हसू लागला... हसू लागला - मराठी कविता

हसू लागला... हसू लागला, मराठी कविता - [Hasu Lagala Hasu Lagala - Marathi Kavita] यंत्रानं मोठा सायरन दिला, कोंबडा खडबडून जागा झाला, आरवलं तर माणूस.
हसू लागला... हसू लागला - मराठी कविता

यंत्रानं मोठा सायरन दिला, कोंबडा खडबडून जागा झाला, आरवलं तर माणूस...

यंत्रानं मोठा सायरन दिला
कोंबडा खडबडून जागा झाला
आरवलं तर माणूस हसेल
म्हणून पुन्हा झोपी गेला
यंत्र धुराडी हसू लागला

पायी चालू म्हणणार्‍याला
माणूस क्षुद्र म्हणू लागला
चक्रावरच्या गाडीत बसून
गुर्मी, ताठा करू लागला
यंत्र धुराडी हसू लागला

नांगरधारी शेतकर्‍याला
माणूस वेडा म्हणू लागला
ट्रॅक्टर कुठे नांगर कुठे
भाषण ठोकून हिणवू लागला
यंत्र धुराडी हसू लागला

भोजन म्हणजे यज्ञ म्हणताच
माणूस टिंगल करू लागला
मायक्रोवेव्हच्या गळ्यात पडून
फास्टफूडच्या नादी लागला
यंत्र धुराडी हसू लागला

- प्रफुल्ल चिकेरूर

टिप्पणी पोस्ट करा

स्पॅम टिप्पण्या टाळण्यासाठी, सर्व टिप्पण्या प्रदर्शित करण्यापूर्वी नियंत्रित केल्या जातात.