असे कोणते पान आहे - मराठी कविता

असे कोणते पान आहे, मराठी कविता - [Ase Konte Paan Aahe, Marathi Kavita] जो पोसतो जगाला त्याचा कुठेच उल्लेख नाही.

असे कोणते पान आहे ज्यावरी त्याचा लेख नाही, जो पोसतो जगाला त्याचा कुठेच उल्लेख नाही

असे कोणते पान आहे ज्यावरी त्याचा लेख नाही
जो पोसतो जगाला त्याचा कुठेच उल्लेख नाही

मातीत शोधतो पुन्हा खोल अस्तित्व नांगराचा फाळ
संसार चालवूनी जगाचा कुठेच त्याची ढेक नाही

आड येते अज्ञान सदा भोवताली अंधार थांबलेला
उखडूनी पाउल टाक पुढे ही काही ग्यानबाची मेख नाही

कष्टात वाहती नद्या मिळती कर्जातल्या सागराला
सावकार घालिती फेऱ्या इमान त्यांचे नेक नाही

स्तंभावरी फास सदा अन रेषेत दाटले दारिद्रय
कष्टकऱ्याच्या वेदनेचा कुठेच कसा आलेख नाही
संतोष सेलुकर | Santosh Selukar
परभणी, महाराष्ट्र (भारत) । सभासद, मराठीमाती डॉट कॉम
लिखाणाची आवड असणारे आणि व्यवसायाने शिक्षकी पेशात असलेले संतोष सेलुकर यांचा ‘दुरचे गाव’ हा कविता संग्रह प्रकाशित झालेला आहे.

1 टिप्पणी

  1. शेतकऱ्याच्या मनाचा ठाव घेणारी रचना आहे ही.
    मराठीमाती डॉट कॉम तुमचे मनःपूर्वक आभार तुम्ही एक अप्रतिम कवितेला उत्तम व्यासपीठ दिले आहे.
    संतोष सर लिखाण सुरू ठेवा, आपल्या आणखी कविता वाचायला नक्की आवडतील.
स्पॅम टिप्पण्या टाळण्यासाठी, सर्व टिप्पण्या प्रदर्शित करण्यापूर्वी नियंत्रित केल्या जातात.