झटपट तवा पुलाव - पाककृती

झटपट तवा पुलाव, पाककृती - [Jhatpat Tawa Pulao, Recipe] साधा सोपा आणि झटपट होणारा झटपट तवा पुलाव.

साधा सोपा आणि झटपट होणारा झटपट तवा पुलाव

झटपट तवा पुलावसाठी लागणारा जिन्नस

१ कप बासमती तांदूळ किंवा
२ कप शिजलेला भात
२ चमचे बटर
अर्धा चमचे जीरे
१ चमचा आलं - लसूण पेस्ट
पाव कप बारीक चिरलेली सिमला मिरची
पाव कप बारीक चिरलेले गाजर
पाव कप बारीक चिरलेली फरसबी
पाव कप मटार
अर्धा कप बारीक चिरलेला टोमॅटो
१ चमचा पावभाजी मसाला
१ चमचा लाल मिरची पावडर
चवीनुसार मीठ

झटपट तवा पुलावची पाककृती

आपण झटपट तवा पुलाव करणार आहोत त्यामुळे जर आपल्याकडे तयार भात किंवा शिळा भात असेल तर उत्तमच.
नसल्यास तांदूळ स्वच्छ धुवून त्याचा मोकळा भात तयार करून घ्या.
आता कढईत बटर गरम करून घ्या.
बटर गरम झाल्यावर त्यामध्ये जीरे परतून घ्या.
जीरे परतल्यावर त्यात कांदा लालसर होईपर्यंत परता.
आलं - लसूण पेस्ट टाकून व्यवस्थित परतून घ्या.
परतल्यावर त्यात सिमला मिरची, गाजर आणि फरसबी घालून ४ - ५ मिनीटे परतून घ्या.
मग त्यात टोमॅटो, मटार घालून पूर्ण शिजवून घ्या.
भाज्या शिजल्यावर त्या मॅश करून घ्या.
मॅश केल्यावर त्यामध्ये पावभाजी मसाला, लाल मिरची पावडर व चवीनुसार मीठ टाका व परतून घ्या.
आता यामध्ये तयार मोकळा भात घालून व्यवस्थित परतून घ्या.
थोडेसे मीठ टाकून भाज्यामध्ये ४ - ५ मिनीटे व्यवस्थित भात परतून घ्या.
वरून बारीक चिरलेली कोथिंबीर व थोडासा लिंबू रस घालून ढवळा.

तयार आहे झटपट तवा पुलाव.

स्वाती खंदारे
संपादिका, मराठीमाती डॉट कॉम । पुणे
संपादकीय, मराठी लेख, फोटो गॅलरी, पाककला, महाराष्ट्र या आणि अशा विविध विभागांत लेखन.
अधिक माहिती पहा । सर्व लेखन पहा