एका हातात तुझा हात - मराठी कविता

एका हातात तुझा हात, मराठी कविता - [Eka Hatat Tujha Haat, Marathi Kavita] एक धुंद संध्याकाळ, मी बसलेला.

एक धुंद संध्याकाळ, मी बसलेला

एक धुंद संध्याकाळ
मी बसलेला
समुद्रकिनाऱ्यावर,
एका हातात तुझा हात
आणि दुसऱ्या हातात ग्लास

तू नको नको म्हणत असतांना
मी घेतलेले दोनचार घोट
आणि काही अंशी
माझ्याच कर्तृत्वानं
वाढलेलं तुझं पोट

अंगाला झोंबणारा
तोच गार वारा
प्रेमासाठी आसुसलेली तू
नि माझ्या अश्रुधारा

उबग आलाय आता सगळ्याचा
नि प्रकर्षानं जाणवायला लागलंय
मला अलीकडे
माझ्यातला षंढपणा

काहीच मिळवता आलं नाही
आजवर आयुष्यात
गमावून बसलो सगळंच
सरसकट
अगदी तुलाही

आता भान आल्यावर
जाणवू लागल्यात वेदना
पण इलाज नाही

असच चालत राहायचं
तू, मी, समुद्राने,
आणि वाऱ्यानेही

अजित पाटणकर

सभासद, मराठीमाती डॉट कॉम

बालपणापासून काव्यलेखनाची आवड असणारे बडोदा, गुजरात येथील अजित पाटणकर हे मराठीमाती डॉट कॉम येथे मराठी कविता या विभागात लेखन करतात.

अधिक माहिती पहा । सर्व लेखन पहा

अभिप्राय

तुमची टिप्पणी आमच्यासाठी महत्त्वाची आहे!
तुमचा अभिप्राय / टिप्पणी ही आम्ही कसे कार्य करतो? त्यातील सुधारणांसाठी आणि आम्ही सातत्याने उच्च-गुणवत्तेची सेवा प्रदान करतोय की नाही हे समजून घेण्यासाठी आमच्यासाठी महत्वाची आहे.