देहात चांदणी फुलते - मराठी कविता

देहात चांदणी फुलते, मराठी कविता - [Dehat Chandani Phulate, Marathi Kavita] या रम्य तळ्याच्या काठी, ही सुखद सांज दरवळते.

या रम्य तळ्याच्या काठी, ही सुखद सांज दरवळते

या रम्य तळ्याच्या काठी
ही सुखद सांज दरवळते
अन् शोधितो नव्याने
मी तुझे नि माझे नाते

हे चिंतन चिरंतनाचे
ती दिसे दूरची आभा
हलकेच तरंगे त्यावर
मग सुखद स्मृतींचा गाभा

गवसणी घालतो तेव्हा
मी माझ्या आकाशाला
देहात चांदणी फुलते
मी मनात घुंगुरवाळा

शोधता सापडे काही
ते पुन्हा नव्याने मजला
ही निशाच होते साक्षी
बांधीत प्रीतीचा इमला

अजित पाटणकर | Ajit Patankar
सभासद, मराठीमाती डॉट कॉम
बालपणापासून काव्यलेखनाची आवड असणारे बडोदा, गुजरात येथील अजित पाटणकर हे मराठीमाती डॉट कॉम येथे मराठी कविता या विभागात लेखन करतात.

1 टिप्पणी

  1. खुपचं सुंदर....
स्पॅम टिप्पण्या टाळण्यासाठी, सर्व टिप्पण्या प्रदर्शित करण्यापूर्वी नियंत्रित केल्या जातात.