पुन्हा नव्याने - मराठी कविता

डोळ्यांतील अवकाश तुझे
क्षीतीज रेषा स्वप्नांची
संघर्षाची झेप निनावी
विहंग नव्याने व्हावे म्हणतो
मी धरणीला अखेरचे टाळावे म्हणतो

एक-एक नजरेतील गाणे
मैफील उसळती श्वासांची
मुके सुर अंतरीत निनावी
गीत नव्याने व्हावे म्हणतो
मी शब्दाला अखेरचे टाळावे म्हणतो

कटाक्षातील स्पर्श विजेसम
सभोवताली तमा भयाची
लुकलुकणारा हर्ष निनावी
सुर्य नव्याने व्हावे म्हणतो
मी अस्ताला अखेरचे टाळावे म्हणतो

हर्षद खंदारे
संस्थापक, मुख्य संपादक । मराठीमाती डॉट कॉम । पुणे
संपादकीय, मराठी कविता, मराठी लेख, मराठी चारोळी, फोटो गॅलरी, मराठी व्यंगचित्र या आणि अशा विविध विभागांत लेखन.
अधिक माहिती पहा । सर्व लेखन पहा