युगायुगांच्या अंधारातून - मराठी कविता

युगायुगांच्या अंधारातून, मराठी कविता - [Yugayuganchya Andharatun, Marathi Kavita] युगायुगांच्या अंधारातून, प्रकाशफुलांचे सडे ओंजळीत.
युगायुगांच्या अंधारातून - मराठी कविता | Yugayuganchya Andharatun - Marathi Kavita

युगायुगांच्या अंधारातून, प्रकाशफुलांचे सडे ओंजळीत

युगायुगांच्या अंधारातून
प्रकाशफुलांचे सडे ओंजळीत
काजव्यातली टिमटिम उर्जा
लुकलुकत्या रात्री सांभाळीत
चंद्र रोजचा सजतो आहे

विश्वाच्या आरंभबिंदूला
तेजाच्या अक्षुण्ण ज्योतीला
तळ्याकडेच्या चिखलामधले
विश्व झोपले ते सांभाळीत
चंद्र रोजचा झिजतो आहे

पाठीवर सपसपता सूर्य
चांदण्यात दिसते माधुर्य
वीजा लख्खकन कातरणाऱ्या
ढगाआडुनी पचवत लपवत
चंद्र रोजचा जळतो आहे

- अभिजित टिळक

टिप्पणी पोस्ट करा

स्पॅम टिप्पण्या टाळण्यासाठी, सर्व टिप्पण्या प्रदर्शित करण्यापूर्वी नियंत्रित केल्या जातात.