भाऊ आणि बहीण

भाऊ आणि बहीण, इसापनीती कथा - [Bhau Aani Bahin, Isapniti Katha] शारिरीक व्यंगावर सद्‍गुणांचे पांघरूण घालता येते, पण सद्‍गुण अंगी नसतील तर नुसत्या शरीरसौंदर्याने माणसाचे महत्त्व वाढणार नाही.
भाऊ आणि बहीण - इसापनीती कथा | Bhau Aani Bahin - Isapniti Katha

शारिरीक व्यंगावर सद्‍गुणांचे पांघरूण घालता येते

एका गृहस्थास एक मुलगा आणि एक मुलगी अशी दोन मुले होती.

मुलगा रूपाने फार सुंदर होता, मुलगी साधारण होती. ती दोन्ही मुले एके दिवशी आरशात पाहात असता, मुलगा आपल्या बहिणीला म्हणाला, ‘ताई, मी किती सुंदर आहे. माझ्या सौंदर्यापुढे तुझे सौंदर्य काहीच नाही.’

हे शब्द ऐकून त्या मुलीस फार वाईट वाटले. ती आपल्या बाबाजवळ गेली आणि आपल्या भावाने आपणास हिणवल्याबद्दलचे गाऱ्हाणे तिने त्याला सांगितले.

ते ऐकताच, बाबाने दोन्ही मुलांस जवळ बोलावून म्हटले, ‘मुलांनो, तुम्ही दोघेही रोज आरशात पाहात जा; मुला, तुझ्या सौंदर्यास वाईट वर्तणुकीचा आणि असभ्यपणाचा कलंक लागू नये म्हणून तू आरशात पाहात जा आणि मुली, तुझ्या रूपात जी थोडीशी उणीव आहे, ती सदाचरणाने आणि गोड भाषणाने भरून काढावी, या हेतूने तू आरशात पाहात जा.’

तात्पर्य: शारिरीक व्यंगावर सद्‍गुणांचे पांघरूण घालता येते, पण सद्‍गुण अंगी नसतील तर नुसत्या शरीरसौंदर्याने माणसाचे महत्त्व वाढणार नाही.
संपादक मंडळ
२००२ । मराठीमाती डॉट कॉम । पुणे
संपादक मंडळाद्वारे विविध विभागांतील साहित्याचे संपादन, पुनर्लेखन आणि संदर्भासहित नवीन लेखन केले जाते.
अधिक माहिती पहासर्व लेखन पहा

४ टिप्पण्या

  1. फार छान
    आयुष्य खरंच सुंदर आहे, फक्त मनात प्रेम असुद्या
    1. काहिसा याच आशयाचा संदेश या कथेतून देण्यात आला आहे.
      आपल्या अभिप्रायाबद्दल आभारी आहोत!
    2. Ya janmanvr ya jagnaver shatada prem krave
स्पॅम टिप्पण्या टाळण्यासाठी, सर्व टिप्पण्या प्रदर्शित करण्यापूर्वी नियंत्रित केल्या जातात.