छळून घ्या संकटानो - मराठी कविता (अशोक थोरात)

ज्येष्ठ आणि प्रसिद्ध मराठी कवी अशोक थोरात यांची छळून घ्या संकटानो (छळून घ्या संकटानो, संधी पुन्हा मिळणार नाही) ही लोकप्रिय मराठी कविता.

छळून घ्या संकटानो, संधी पुन्हा मिळणार नाही

---

छळून घ्या संकटानो - मराठी कविता (अशोक थोरात)

ज्येष्ठ आणि प्रसिद्ध मराठी कवी अशोक थोरात यांची छळून घ्या संकटानो ही लोकप्रिय मराठी कविता.

---

छळून घ्या संकटानो
संधी पुन्हा मिळणार नाही
कर्पुराचा देह माझा
जळून पुन्हा जळणार नाही

साहेन मी आनंदाने
तुमचे वर्मी घाव
असाच नेईन किनार्‍याशी
चुकलेली नाव
मार्ग बिकट आला तरी
मागे मी वळणार नाही

निराश मी होणार नाही
झुंजता तुमच्या सवे
मनी माझ्या जागतील
आकांक्षांचे लाख दिवे
वेदना झाल्या तरीही
अश्रू मी गाळणार नाही

आव्हान माझे तुम्हाला
चालून या माझ्यावरी
धैर्याची कट्यार माझी
पाजळेन तुमच्यावरी
संकटानो सावधान
गाफील मी असणार नाही

- अशोक थोरात