सुखकर्ता दुःखहर्ता - गणपतीची आरती

सुखकर्ता दुःखहर्ता - गणपतीची आरती - समर्थ रामदास स्वामी यांनी रचलेली गणपतीची एक प्रसिद्ध मराठी आरती [Sukhakarta Dukhaharta, Aarti].

सुखकर्ता दुःखहर्ता वार्ता विघ्नाची । नुरवी पुरवी प्रेम कृपा जयाची ॥

---

सुखकर्ता दुःखहर्ता (गणपतीची आरती)

समर्थ रामदास स्वामी यांनी रचलेली गणपतीची ही मराठी आरती गणेश चतुर्थी, गणेश उत्सव आणि नित्य पूजेतही म्हटली जाते.

---

सुखकर्ता दुःखहर्ता वार्ता विघ्नाची ।
नुरवी पुरवी प्रेम कृपा जयाची ॥
सर्वांगी सुंदर उटि शेंदुराची ।
कंठी झळके माळ मुक्ताफळांची ॥ १ ॥

जय देव जय देव जय मंगलमूर्ती ।
दर्शनमात्रे मनकामना पुरती ॥ ध्रु ॥

रत्नखचित फरा तुज गौरीकुमरा ।
चंदनाची उटी कुंकुमकेशरा ॥
हिरेजडीत मुगुट शोभतो बरा ।
रुणझुणती नूपरें चरणीं घागरिया ॥ २ ॥

जय देव जय देव जय मंगलमूर्ती ।
दर्शनमात्रे मनकामना पुरती ॥ध्रु॥

लंबोदर पीतांबर फणिवरबंधना ।
सरळ सोंड वक्रतुंड त्रिनयना ॥
दास रामाचा वाट पाहे सदना ।
संकटीं पावावें निर्वाणीं रक्षावें सुरवर वंदना ॥ ३ ॥

जय देव जय देव जय मंगलमूर्ती ।
दर्शनमात्रे मनकामना पुरती ॥ ध्रु ॥

टीप: वरील साहित्य केवळ पारंपरिक श्रद्धांवर आधारित असून, वाचकांनी विवेकबुद्धी जपून अंधश्रद्धेपासून दूर राहावे.

गणपतीच्या इतर आरत्या वाचा: