काव्य - मराठी कविता

काव्य, मराठी कविता - [Kaavya, Marathi Kavita] एका लिहिलेल्या ओळीच्या, शेवटाला काय लिहावे, भावनांचे अश्रू सारे, शब्द व्यर्थ होऊन जावे.

एका लिहिलेल्या ओळीच्या, शेवटाला काय लिहावे, भावनांचे अश्रू सारे, शब्द व्यर्थ होऊन जावे

एका लिहिलेल्या ओळीच्या
शेवटाला काय लिहावे ?
भावनांचे अश्रू सारे
शब्द व्यर्थ होऊन जावे

जाणिवांची चोरदारे
त्यातून संवेदनाच यावी
एका लिहिलेल्या ओळीच्या
पुढे ओळ नवी लिहावी

कोऱ्या कागदाची व्यथा
ऐकून जराशी घ्यावी
टाकाने अश्रू ढाळावे
कविता नवी सुचावी

बोलण्यासारखे न आता
माझे काही उरावे
माझे मलाच नकळत
मी काव्य असे रचावे


श्रद्धा नामजोशी | Shraddha Namjoshi
सभासद, मराठीमाती डॉट कॉम
मराठी कविता या विभागात लेखन.

टिप्पणी पोस्ट करा

स्पॅम टिप्पण्या टाळण्यासाठी, सर्व टिप्पण्या प्रदर्शित करण्यापूर्वी नियंत्रित केल्या जातात.