अव्यक्त प्रेम - मराठी कविता

अव्यक्त प्रेम, मराठी कविता - [Avyakta Prem, Marathi Kavita] स्पर्श होताच तुझ्या नयनाचा, कळले मज तुझे प्रतिबिंब.

स्पर्श होताच तुझ्या नयनाचा, कळले मज तुझे प्रतिबिंब

स्पर्श होताच तुझ्या नयनाचा
कळले मज तुझे प्रतिबिंब

राहील कसा अनभिज्ञ मी
जाहलो हृदयातुनी ओलाचिंब

अंतरीचा जखमी भाव माझा
जरी झालाय तुझ्यात बेधुंद

विवेकाचा जिवंतपणा सांगे
आता बरा नव्हे हा सुगंध

झाला उशीर आता
व्यक्त करण्या तुझे प्रेमबंध

जग तू निवांत आता
नको लिहू खोटा प्रबंध

दिवस गेले निघून सारे
कधी न कळला प्रेमाचा गंध

तु तुझ्यात, मी माझ्यात
स्वतःतच होवु दंग


प्रभाकर लोंढे | Prabhakar Londhe
सभासद, मराठीमाती डॉट कॉम
मराठी कविता या विभागात लेखन.

टिप्पणी पोस्ट करा

स्पॅम टिप्पण्या टाळण्यासाठी, सर्व टिप्पण्या प्रदर्शित करण्यापूर्वी नियंत्रित केल्या जातात.