वार्षिक परिक्षा - मराठी कविता

वार्षिक परिक्षा, मराठी कविता - [Varshik Pariksha, Marathi Kavita] धमाल क्लासरूम, भयाण वाटे, लाकडी बेंचवर, उगवतात काटे.

धमाल क्लासरूम, भयाण वाटे, लाकडी बेंचवर, उगवतात काटे

धमाल क्लासरूम
भयाण वाटे
लाकडी बेंचवर
उगवतात काटे

अवघ्या वर्षात पहिल्यांदा
पुस्तकाच्या प्रेमात पडते
त्यास बंद करून ठेवताना
मनोमनी ई रडते

क्वेश्चन पेपर मिळेपर्यंत
मेंदूला लागते रग
हातातले जातात त्राण
जिवाची होते तगमग

पहिल्या प्रश्नांवरती ठरतो
पुढच्या तीन तासांचा मूड
टिचर करणार आहेत दया
का घेणार वर्षभराचा सूड

जोशीने घेतली सप्लिमेंट की
मी माझी कोरी पाणं मोजते
तेवढ्यात हृदयाचा ठोका चुकतो
आणि शेवटची घंटा वाजते

आत्मविश्वास वाढतो मग
परिक्षेतल्या भोपळ्याचा
पश्ताताप होतो मला
दिवसभर झोपण्याचा

उन्हाळ्यात गॅसवर बसवते
ही निर्दयी परिक्षा
अभ्यास करेन पुढच्या वर्षी नक्की
देवा नको के. टी. ची शिक्षा


ऋचा मुळे | Rucha Muley
सभासद, मराठीमाती डॉट कॉम
मराठीमाती डॉट कॉम वरिल मराठी कविता विभागात लेखन.

टिप्पणी पोस्ट करा

स्पॅम टिप्पण्या टाळण्यासाठी, सर्व टिप्पण्या प्रदर्शित करण्यापूर्वी नियंत्रित केल्या जातात.