पहिले पाऊल - मराठी कविता

पहिले पाऊल, मराठी कविता - [Pahile Paul, Marathi Kavita] आज सकाळी ऊठुन आरशात मी पाहिले, गालावरचे गुलाब आता उमलू लागले.

गालावरचे गुलाब आता उमलू लागले

आज सकाळी ऊठुन आरशात मी पाहिले
गालावरचे गुलाब आता उमलू लागले
नवलाईचे बोल जणू ओठात साठले
तरुणाईच्या वाटेवर पहिले पाऊल टाकले

बेधूंद मन माझे रानावनात बागडे
कळी चिमुकली पहा मला पाहून बहरे
घुंगरु हे पायातले किती मंजूळ वाजते
तरुणाईच्या वाटेवर पहिले पाऊल टाकले

विचारांचे मेघ मनामध्ये हे दाटले
जुन्या वार्‍यानेही मह माझ्या मनाला गाठले
आठवणींचे छोटेसे तळे साचले
तरुणाईच्या वाटेवर पहिले पाऊल टाकले

आई पदर तुझा अलगद मी सोडते
जगातले व्यवहार हळुहळु उमजते
संस्काराचा दिवा हाती धरुन चालते
तरुणाईच्या वाटेवर पहिले पाऊल टाकते

आता चांदण्यामध्ये मी माझे स्वप्न शोधते
फुलपानांचे सौदर्य पापण्यात लपवते
असा शब्दांना गुंफून गीत माझे सजवते
तरुणाईच्या वाटेवर पहिले पाऊल टाकते


ऋचा मुळे | Rucha Muley
सभासद, मराठीमाती डॉट कॉम
मराठीमाती डॉट कॉम वरिल मराठी कविता विभागात लेखन.

1 टिप्पणी

  1. छान ब्लॉगआहे.
स्पॅम टिप्पण्या टाळण्यासाठी, सर्व टिप्पण्या प्रदर्शित करण्यापूर्वी नियंत्रित केल्या जातात.