कर्पूरगौरा गौरीशंकरा - शंकराची आरती

0 0 संपादक ३० जुलै, २०१२ संपादन

कर्पूरगौरा गौरीशंकरा, शंकराची आरती - [Karpurgaura Gaurishankara Shankarachi Aarti] कर्पूरगौरा गौरीशंकरा आरति करूं तुजला, नाम स्मरतां प्रसन्न हो‍उनि पावसि भक्ताला.

कर्पूरगौरा गौरीशंकरा आरति करूं तुजला

कर्पूरगौरा गौरीशंकरा आरती करू तुजला ।
नाम स्मरतां प्रसन्न हो‍उनि पावसि भक्ताला ॥ श्रु० ॥

त्रिशूळ डमरू शोभत हस्ती कंठि रुंडमाळा ।
उग्रविषाते पिऊनी रक्षिसी देवां दिक्पाळा ॥
तृतीय नेत्री निघती क्रोधे प्रळयाग्नीज्वाळा ।
नमिती सुरमुनि तुजला ऐसा तू शंकर भोळा ॥ १ ॥

ढवळा नंदी वाहनशोभे अर्धांगी गौरी ।
जटा मुकुटी वासकरितसे गंगासुंदरी ॥
सदया सगुणा गौरीरमणा मम संकट वारी ।
मोरेश्वरसुत वासुदेव तुज स्मरतो अंतरी ॥ २ ॥

टीप: वरील साहित्य केवळ पारंपरिक श्रद्धांवर आधारित असून, वाचकांनी विवेकबुद्धी जपून अंधश्रद्धेपासून दूर राहावे.

अभिप्राय

तुमची टिप्पणी आमच्यासाठी महत्त्वाची आहे!
तुमचा अभिप्राय / टिप्पणी ही आम्ही कसे कार्य करतो? त्यातील सुधारणांसाठी आणि आम्ही सातत्याने उच्च-गुणवत्तेची सेवा प्रदान करतोय की नाही हे समजून घेण्यासाठी आमच्यासाठी महत्वाची आहे.