जय देवी भगवद्गीते - गीतेची आरती

जय देवी भगवद्गीते, गीतेची आरती - [Jai Devi Bhagvadgite, Gitechi Aarti] जय देवी जय देवी जय भगवद्गीते, आरती ओवाळू तुज वेदमाते.

जय देवी जय देवी जय भगवद्गीते, आरती ओवाळू तुज वेदमाते

जय देवी जय देवी जय भगवद्गीते ॥
आरती ओवाळू तुज वेदमाते ॥ ध्रु० ॥

सुखकरणी दुखहरणी जननी वेदांची ॥
अगाध महिमा तूझ नेणे विरिची ॥
ते तू ब्रह्मी तल्लीन होसी ठायीची ॥
अर्जुनाचे भावे प्रगटे मुखीची ॥ जय देवी० ॥ १ ॥

सात शते श्लोक व्यासोक्ती-सार ॥
अष्टादश अध्याय इतुका विस्तार ॥
एक अर्ध पाद करिता उच्चार ॥
स्मरणमात्रे त्यांचा निरसे संसार ॥ जय देवी० ॥ २ ॥

काय तूझा पार वर्णू मी दीन ॥
अनन्यभावे तुजला आलो मी शरण ॥
सनाथ करी माये कृपा करून ॥
बाप रखुमादेवीवर दास मान ॥ जय देवी० ॥ ३ ॥