तेव्हा आज - मराठी कविता

तेव्हा आज, मराठी कविता - [Tevha Aaj, Marathi Kavita] तेव्हा, तुझ्या खांद्यावर मान टाकून, आसवात भिजलेलं, मनावरचं ओझं.

तेव्हा, तुझ्या खांद्यावर मान टाकून, आसवात भिजलेलं, मनावरचं ओझं

तेव्हा,
तुझ्या खांद्यावर मान टाकून
आसवात भिजलेलं
मनावरचं ओझं
तुझ्या खांद्यावर देणार होते
त्याचवेळी तू...
मला बाजूला करत
खांदा झटकलास...
तुला काळजी होती
शर्ट ओला होण्याची
कारण तो किंमती होता
माझ्या आसवांपेक्षा..!
आज,
पराभूत तू
अचानक माझ्या खांद्यावर
डोकं ठेवलंस...
मी नाही झटकला खांदा
कारण,
तुझा पराभव झेलण्यास
तो समर्थ आहे


अनुराधा फाटक | Anuradha Phatak
सभासद, मराठीमाती डॉट कॉम
मराठी कविता या विभागात लेखन.

टिप्पणी पोस्ट करा

स्पॅम टिप्पण्या टाळण्यासाठी, सर्व टिप्पण्या प्रदर्शित करण्यापूर्वी नियंत्रित केल्या जातात.