पायवाट - मराठी कविता

पायवाट, मराठी कविता - [Paayvaat, Marathi Kavita] पायाखालची वाट, सरत होती, मी मात्र, तिथंच, वाटेच्या हिशेब करत.

पायाखालची वाट, सरत होती, मी मात्र, तिथंच, वाटेच्या हिशेब करत

पायाखालची वाट
सरत होती
मी मात्र
तिथंच!
वाटेच्या हिशेब करत!
बाळपणीच्या फोटोत
दुडुदुडु धावणारी वाट
शाळेच्या रस्त्यात हरवली
नव्या रस्त्यात भेटली
अनेक स्वप्नं... आदर्श
ती स्वप्नं रंगवत
आदर्शांचा मागोवा घेत
शाळेचा रस्ता ओलांडला,
महानगरासारख्या कॉलेजात
केवळ रस्ता नव्हता...
होते चौक...
एकाच वेळी अनेक वाटा जोडणारे
भुलभुलैय्या ठरणारे...
आपली वाट कोणती
कळलंच नाही...
रस्सीखेच...!
वेगवेगळ्या वाटेनं ओढली गेले
त्या ओढण्यात
आपली वाट सापडलीच नाही
प्रत्येकवेळी दुसऱ्यानेच वाट दाखवली
त्याना हवी ती...
कालांतरानं सगळे
आपापल्या वाटेनं गेले,
आणि मी...
मी बसले आडवाटेत
कुठं जायचं याचा विचार करत


अनुराधा फाटक | Anuradha Phatak
सभासद, मराठीमाती डॉट कॉम
मराठी कविता या विभागात लेखन.

टिप्पणी पोस्ट करा

स्पॅम टिप्पण्या टाळण्यासाठी, सर्व टिप्पण्या प्रदर्शित करण्यापूर्वी नियंत्रित केल्या जातात.