भाजीचे रोल्स - पाककृती (स्वाती खंदारे)

भाजीचे रोल्स (पाककला) - सर्व भाज्यांनी युक्त, चटपटीत अशी ही रोलची पोटभर न्याहारी [Vegetable Rolls Recipe].

खास लहान मुलांसाठी सर्व भाज्यांनी युक्त असलेले भाजीचे रोल्स

भाजीचे रोल्स - पाककृती (स्वाती खंदारे)

(Vegetable Rolls Recipe) पोटभर न्याहारी म्हणून ‘भाजीचे रोल्स’ खाता येतील तसेच सर्व भाज्यायुक्त व चटपटीत असलेला हा रोल लहान मुलांना मधल्या वेळेत भूक लागल्यास खायला देता येईल.

भाजीचे रोल्स करण्यासाठी लागणारा जिन्नस

३ कप मैदा
२ कप दूध
२ अंडी
चवीपुरते मीठ

भाजीचे रोल्ससाठी आतील सारणास लागणारा जिन्नस

२-३ गाजरं
१/२ वाटी मटारचे दाणे
७ - ८ बटाटे
२ कांदे
मीठ
मिरची
आले
लसूण
कोथिंबीर
अर्धे लिंबू

भाजीचे रोल्स करण्याची पाककृती

बटाट्याची साले काढून बारीक फोडी कराव्यात. गाजर व कांदाही बारीक चिरुन घ्यावा. आले, लसूण, मिरच्या वाटून घ्याव्यात.
थोड्या डालडयावर कांदा बदामी रंगावर येईपर्यंत परतून घ्यावा. नंतर त्यात बाकीच्या भाज्या घालून अगदी थोडे पाणी घालून शिजवून घ्याव्यात.
भाज्या मऊसर शिजल्यावर सर्व पाणी आटवून घ्यावे. नंतर त्यात मीठ, वाटलेला मसाला, लिंबाचा रस, कोथिंबीर घालून भाजी थाळीत काढून ठेवावी.
दुधात अंड्यातले पिवळे घालून फेटावे. नंतर त्यात मैदा घालून पीठ तयार करावे. मीठ घालावे. एक तासभर मिश्रण तसेच ठेवावे.
आयत्या वेळी अंड्यातले पांढरे खूप फेसून त्यात घालावे व डोशाप्रमाणे लहान लहान डोसे करावेत.
प्रत्येक डोशावर वरील भाजी मध्यभागी १ डावभर घालून जरा पसरुन त्याची डोशाप्रमाणे घडी घालावी.
दोन्ही कडेची टोके पुन्हा दुमडुन चौकोनी घड्या घालून सर्व डोसे ठेवावेत. आणि सॉससोबत खाण्यास द्यावे.

स्वाती खंदारे

संपादिका, मराठीमाती डॉट कॉम । पुणे

संपादकीय, मराठी लेख, फोटो गॅलरी, पाककला, महाराष्ट्र या आणि अशा विविध विभागांत लेखन.

अधिक माहिती पहा । सर्व लेखन पहा

सर्व विभाग / जीवनशैली / पाककला

[col]

[col]

[col]

[col]

[col]

[col]

अभिप्राय

तुमची टिप्पणी आमच्यासाठी महत्त्वाची आहे!
तुमचा अभिप्राय / टिप्पणी ही आम्ही कसे कार्य करतो? त्यातील सुधारणांसाठी आणि आम्ही सातत्याने उच्च-गुणवत्तेची सेवा प्रदान करतोय की नाही हे समजून घेण्यासाठी आमच्यासाठी महत्वाची आहे.