टोमॅटोचा मसाला डोसा - पाककृती

टोमॅटोचा मसाला डोसा, पाककला - [Tomato Masala Dosa, Recipe] मैदा, अंडे, टोमॅटो आणि चीझ एकत्र करुन टोमॅटोचा मसाला डोसा न्याहारी किंवा मधल्या वेळेत झटपट करता येईल.
टोमॅटोचा मसाला डोसा - पाककला | Tomato Masala Dosa - Recipe

झटपट घरी बनवता येणारी चटपटीत टोमॅटोचा मसाला डोसा

‘टोमॅटोचा मसाला डोसा’साठी लागणारा जिन्नस

  • १२५ ग्रॅम मैदा
  • १ अंडे
  • १ मोठा टोमॅटो
  • २-३ हिरव्या मिरच्या
  • १ १/२ कप दूध
  • १/४ चमचा मीठ
  • थोडेसे किसलेले चीझ

‘टोमॅटोचा मसाला डोसा’ची पाककृती

  • मैदा व मीठ एकत्र करुन त्यात अंडी फोडून घालावीत व दूध घालून पीठ भिजवून ठेवावे.
  • जरुर वाटल्यास थोडेसे पाणी घालावे. अर्धा तास पीठ भिजवून ठेवावे.
  • टोमॅटो बारीक चिरावेत. चीझ किसून घ्यावे.
  • नंतर टोमॅटो, मीठ, बारीक चिरलेल्या मिरच्या व चीझ एकत्र करुन ठेवावे.
  • सपाट तव्याला तेल किंवा तूप लावून त्यावर कपाने पीठ ओतून डोसा घालावा. झाकण ठेवू नये.
  • डोसा शिजला की बाजूने तेल सोडून जरा कुरकुरीत करावा.
  • मध्यभागी टोमॅटोचे थोडेसे मिश्रण भरुन डोशाप्रमाणे घडी घालावी व गरमगरम सर्व्ह करावा.
  • टोमॅटोचा मसाला डोसा चवीला फार छान लागतो.

स्वाती खंदारे
संपादिका, मराठीमाती डॉट कॉम । पुणे
संपादकीय, मराठी लेख, फोटो गॅलरी, पाककला, महाराष्ट्र या आणि अशा विविध विभागांत लेखन.
अधिक माहिती पहासर्व लेखन पहा

जीवनशैली / पाककला


टिप्पणी पोस्ट करा

स्पॅम टिप्पण्या टाळण्यासाठी, सर्व टिप्पण्या प्रदर्शित करण्यापूर्वी नियंत्रित केल्या जातात.