रव्याचे लाडू - पाककृती (स्वाती खंदारे)

रव्याचे लाडू (पाककला) - सणासुदीला खासकरुन दिवाळीमध्ये केले जाणारे गोड रव्याचे लाडू [Ravyache Ladoo Recipe].

खासकरुन दिवाळीमध्ये केले जाणारे गोड ‘रव्याचे लाडू’

रव्याचे लाडू - पाककृती (स्वाती खंदारे)

(Ravyache Ladoo Recipe) सणासुदीला खासकरुन दिवाळीमध्ये केले जाणारे गोड ‘रव्याचे लाडू’ तुम्ही इतर वेळीही बनवून मुलांना पटकन खाण्यासाठी देवू शकता.

रव्याचे लाडू करण्यासाठी लागणारा जिन्नस

४ वाट्या बारीक रवा
दीड वाटी तूप किंवा डालडा
४ वाट्या साखर
१ नारळ
५ - ६ वेलदोडे पूड
बेदाणा व काजूचे काप (ऐच्छिक)

रव्याचे लाडू करण्याची पाककृती

रवा चाळून घ्यावा. नारळ खवून पांढरे खोबरे घ्यावे. करवंटीजवळचा काळसर भाग वेगळा खरवडावा व त्याचा उपयोग भाजी, आमटीसाठी करावा.
जाड बुडाच्या पातेल्यात तूप तापले की मध्यम आचेवर रवा घालून भाजावा.
सुमारे पंधरा मिनिटांनंतर रवा भाजत आला की त्यात खोबरे घालून आणखी पाच मिनिटे भाजावे व खाली उतरवून मिश्रण ताटात ओतावे.
दुसऱ्या पातेल्यात साखर घालून त्यात दोन वाट्या पाणी घालावे व चुलीवर ठेवावे.
उकळी आली की तीन चमचे दूध घालावे व आच कमी करावी. मळी येईल ती काढून टाकावी.
पाक उकळून ठेवावा. एकतारी पाक झाला की रव्याचे मिश्रण त्यात घालावे.
दोन मिनिटे चुलीवर ठेवून खाली उतरवावे व झाकून ठेवावे. त्यात वेलदोडे पूड, मेवा घालून दर पाच - दहा मिनिटांनी मिश्रण ढवळावे.
मिश्रण कोमटसर झाले व लाडू वळण्याइतपत आळले की लहान लहान लाडू वळावे.
दुसऱ्या दिवशी मुरल्यानंतर खायला द्यावे.

ओला नारळ वापरल्यामुळे रव्याचे लाडू चार दिवसानंतर फ्रिजमध्ये ठेवावे. नाहीतर लाडवांना खवट वास येऊ लागतो.

स्वाती खंदारे

संपादिका, मराठीमाती डॉट कॉम । पुणे

संपादकीय, मराठी लेख, फोटो गॅलरी, पाककला, महाराष्ट्र या आणि अशा विविध विभागांत लेखन.

अधिक माहिती पहा । सर्व लेखन पहा

सर्व विभाग / जीवनशैली / पाककला

[col]

[col]

[col]

[col]

[col]

[col]

अभिप्राय

तुमची टिप्पणी आमच्यासाठी महत्त्वाची आहे!
तुमचा अभिप्राय / टिप्पणी ही आम्ही कसे कार्य करतो? त्यातील सुधारणांसाठी आणि आम्ही सातत्याने उच्च-गुणवत्तेची सेवा प्रदान करतोय की नाही हे समजून घेण्यासाठी आमच्यासाठी महत्वाची आहे.