ब्रेड रोल्स - पाककृती - मराठीमाती । माझ्या मातीचे गायन

ब्रेड रोल्स - पाककृती

ब्रेड रोल्स, पाककला - [Bread Rolls, Recipe] न्याहारी किंवा मधल्या वेळेत झटपट करता येण्यासारखा खमंग, चटपटीत असा ब्रेड रोल्स लहानांसह मोठ्यांना पण नक्कीच आवडेल.

झटपट घरी बनवता येणारा खमंग, चटपटीत ब्रेड रोल्स

‘ब्रेड रोल्स’साठी लागणारा जिन्नस

स्लाईस ब्रेड
उकडलेले बटाटे
मीठ
हिरव्या मिरच्या
कोथिंबीर
थोडे आले
तळण्यासाठी तूप किंवा तेल

‘ब्रेड रोल्स’ची पाककृती

ब्रेडच्या कड्या कापून घ्या. उकडलेले बटाटे सोलून घ्या. नंतर किसणीवर किसा.
त्यात वाटलेल्या मिरच्या, आले व मीठ घालावे. थोडी कोथिंबीर घालून सारण तयार करावे.
उथळ पातेलीत पाणी घेवून त्यात एकेक स्लाईस टाकाव्यात.
नंतर दोन्ही हाताच्या तळव्याने दाबून पाणी काढून टाकावे. त्यावर सारण घालून गुंडाळी करावी. कडा बंद कराव्यात.
ब्रेड ओला झाल्यामुळे छान गुंडाळी होते. नंतर कढईत तूप टाकून त्यात हे रोल्स तळून काढावेत.
ब्रेड रोल्स छान कुरकुरीत होतात.
गरमागरम ब्रेड रोल्स सॉस सोबत सर्व्ह करावेत.

स्वाती खंदारे
संपादिका, मराठीमाती डॉट कॉम । पुणे
संपादकीय, मराठी लेख, फोटो गॅलरी, पाककला, महाराष्ट्र या आणि अशा विविध विभागांत लेखन.
अधिक माहिती पहा । सर्व लेखन पहा