थंडाई - पाककृती - मराठीमाती । माझ्या मातीचे गायन

थंडाई - पाककृती

थंडाई, पाककला - [Thandai, Recipe] ‘थंडाई’ हे एक असं थंडपेय आहे जे बदाम, वेलची, केशर, डांगराच्या बीया, गुलाबाच्या पाकळ्या वगैरे टाकून बनविले जाते. हे पेय खासकरुन माहाशिवरात्री आणि होळीला पितात.

उन्हाळ्यामध्ये थंडावा देणारी सुक्यामेव्याची गोड थंडाई

‘थंडाई’साठी लागणारा जिन्नस

१५० ग्रॅम बदाम
२० ग्रॅम छोटी वेलची
१ लहान चमचा केशर
१/२ कप डांगराच्या सोललेल्या बिया
१० ते १२ काळी मिरी
१ कप गुलाबची पाने
१/२ कप खसखस
१ किलो साखर
१/२ लि. पाणी
१ चमचा पोटेशियम मेटा बाय सल्फेट

‘थंडाई’ची पाककृती

बदाम पाण्यात ५ ते ६ तास भिजवून सोलून घ्यावेत.
आता सर्व साहित्य मिक्सरमध्ये घालून कोरडे वाटून घ्यावे.
१/२ लि. पाण्यात ते मिश्रण ८ ते १० तास भिजवून ठेवावे. नंतर याला बारीक वाटून गाळून घ्यावे. यात साखर घालून गरम करावे.
पाक घट्ट झाल्यावर चुलीवर उतरून थंड करावे व नंतर पोटेशियम मेटा बाय सल्फेट मिसळून बाटलीत भरून घ्यावे
सर्व्ह करताना यात दूध टाकून वर बर्फाचा चुरा टाकावा.

स्वाती खंदारे
संपादिका, मराठीमाती डॉट कॉम । पुणे
संपादकीय, मराठी लेख, फोटो गॅलरी, पाककला, महाराष्ट्र या आणि अशा विविध विभागांत लेखन.
अधिक माहिती पहा । सर्व लेखन पहा