पुरणाची पोळी - पाककृती

पुरणाची पोळी, पाककला - [Puranachi Poli, Recipe] अस्सल महाराष्ट्रीय पदार्थ असणाऱ्या पुरणाच्या पोळीची पाककृती.
पुरणाची पोळी - पाककला | Puranachi Poli - Recipe

सण-उत्सवाच्या काळात हमखास खाल्ला जाणारा अस्सल महाराष्ट्रीय पदार्थ म्हणजे पुरणाची पोळी दुधासोबत किंवा कटाच्या आमटी सोबत छानच लागते.

‘पुरणाची पोळी’साठी लागणारा जिन्नस

  • अर्धा किलो चणा डाळ
  • अर्धा किलो गूळ
  • अर्धा किलो कणीक
  • १ वाटी तेल
  • अर्धा चमचा मीठ
  • वेलची किंवा जायफळाची पूड
  • पाव किलो तांदूळ पीठ

‘पुरणाची पोळी’ची पाककृती

  • डाळ २ तास भिजत घालावी. कुकरमध्ये चांगली शिजवून घ्यावी.
  • शिजलेली डाळ चाळणीत ओतून त्यातील पाणी (कट) काढून उरलेले पाणी निघून जाईपर्यंत चांगली परतावी.
  • नंतर त्यात किसलेला गूळ घालून त्याचे पाणी होऊन ते आटेपर्यंत कोरडी करावी व पुरणयंत्रात घालून वाटावी.
  • वाटतानाच ७-८ वेलचीची पूड किंवा जायफळाची पूड घालावी.
  • त्यानंतर कणीक मैद्याच्या चाळणीने चाळून त्यात अर्धा चमचा मीठ व १ पळीभर तेल घालून कणीक सैल भिजवावी. ती भिजवून झाल्यावर त्यात थोडे तेल घालून मळावी.
  • लिंबाएवढा गोळा घेऊन वाटीसारखा करून त्यात वाटलेल्या पुरणाचा गोळा घालून तांदळाच्या पिठावर लाटावी व मंद आचेवर भाजावी.
  • कटाच्या आमटीसोबत वाढावी.
स्वाती खंदारे
संपादिका, मराठीमाती डॉट कॉम । पुणे
संपादकीय, मराठी लेख, फोटो गॅलरी, पाककला, महाराष्ट्र या आणि अशा विविध विभागांत लेखन.
अधिक माहिती पहासर्व लेखन पहा

जीवनशैली / पाककला


टिप्पणी पोस्ट करा

स्पॅम टिप्पण्या टाळण्यासाठी, सर्व टिप्पण्या प्रदर्शित करण्यापूर्वी नियंत्रित केल्या जातात.