केक डोनट - पाककृती

केक डोनट, पाककला - [Cake Donut, Recipe] अत्यंत खमंग, खुसखुशीत ‘केक डोनट’ चहा किंवा दुधाबरोबर खाल्ला जाऊ शकणारा बेकिंग प्रकारातील एक गोड पदार्थ आहे. बेकिंग आणि बेकरी पदार्थ आपणांस आवडत असल्यास हा पदार्थ आपल्याला नक्की आवडेल.
केक डोनट - पाककला | Cake Donut - Recipe

अत्यंत खमंग, खुसखुशीत केक डोनट

‘केक डोनट’साठी लागणारा जिन्नस

  • ३ वाट्या मैदा
  • १ वाटी पिठीसाखर
  • २ टेबलस्पून घट्ट वनस्पती तूप
  • १ चमचा थोडी शीग लावून बेकींग पावडर
  • २ टेबलस्पून दूध
  • १ अंडे
  • अर्धा चमचा मीठ
  • १ जायफळाचा छोटा तुकडा
  • ४ दालचिनीच्या काड्या
  • ४ - ५ वेलदोडे

‘केक डोनट’ची पाककृती

  • जायफळ, दालचिनी व वेलदोडे यांची पूड करा.
  • वनस्पती तूप फेटुन घ्या. त्यात साखर घालून फेटा. नंतर त्यात अंडे घालून परत फेटा.
  • आता त्यात मैदा, मीठ व वेलची पूड घाला.
  • सर्व एकत्र करून जरुरीप्रमाणे दूध घालून पुरीसाठी पीठ भिजवतो तसे भिजवा व जाडसर पोळी लाटून डोनट कटरने कापा.
  • कढईत तूप भरपूर घाला. त्यामध्ये तयार डोनटच्या पुर्‍या घाला.
  • मिश्रणात अंडे घातलेले असल्यामुळे कढईत पुरी टाकली की थोडा फेस येतो.
  • पुर्‍या दोन्ही बाजुंनी व्यवस्थित सोनेरी रंग येईपर्यंत तळून घ्या.
  • केक डोनट तयार आहे.
डोनटवर तुम्ही आयसिंग किंवा जेम्स गोळ्या वगैरे करुन सजवू शकता तसेच कोको पावडर टाकून चॉकलेट केक डोनट ही बनवू शकता.

टीप: जे लोक अंडी खात नाहीत त्यांनी अंडे न घालता बेकींग पावडर जरा जास्त घालून केक डोनट करावे.
स्वाती खंदारे
संपादिका, मराठीमाती डॉट कॉम । पुणे
संपादकीय, मराठी लेख, फोटो गॅलरी, पाककला, महाराष्ट्र या आणि अशा विविध विभागांत लेखन.
अधिक माहिती पहासर्व लेखन पहा

जीवनशैली / पाककला


टिप्पणी पोस्ट करा

स्पॅम टिप्पण्या टाळण्यासाठी, सर्व टिप्पण्या प्रदर्शित करण्यापूर्वी नियंत्रित केल्या जातात.