सुकी उडीद डाळ - पाककृती

सुकी उडीद डाळ, पाककला - [Suki Udid Dal, Recipe] उडीद डाळीत टोमॅटो, मसाला वगैरे घालून चटपटीत, पोष्टिक असलेली तसेच घरात भाजी नसल्यावर झटपट बनवता येणारी ‘सुकी उडीद डाळ’ चपाती, पराठ्यासोबत खायला देऊ शकता.
सुकी उडीद डाळ - पाककला | Suki Udid Dal - Recipe

चटपटीत, पोष्टिक व झटपट होणारी सुकी उडीद डाळ

‘सुकी उडीद डाळ’साठी लागणारा जिन्नस

  • १ कप धुतलेली उडीद डाळ
  • १ कापलेला कांदा
  • १ मोठा चमचा तेल
  • ३/४ चमचे मीठ
  • १/२ चमचे हळद
  • २ मोठी वेलची
  • १ चमचे जीरे
  • १ जुडी कापलेली कोथिंबीर
  • २ हिरवी मिरची
  • १ कापलेला टोमॅटो
  • १/२ चमचे गरम मसाला

‘सुकी उडीद डाळ’ची पाककृती

  • डाळीस धुवुन ४ कप पाण्यात हळद व मीठाबरोबर शिजवून द्यावे आणि गाळून पाणी वेगळे करावे.
  • तेल गरम करून जीरे टाकावे.
  • नंतर वेलची टाकून १ मिनीट फ्राय करावे.
  • कांदा टाकुन लालसर फ्राय करावा.
  • कांदा लालसर झाल्यावर उडीद डाळ, हिरवी मिरची, टोमॅटो, कोथिंबीर व गरम मसाला टाकुन परतून घ्यावे.
  • झाकण ठेवून ३ - ४ मिनीट गॅस कमी करून शिजवावे.
  • वरून कोथिंबीर पेरावी आणि उतरवून घ्यावे.
सुकी उडीद डाळ रोटी, पराठ्यासोबत खाऊ शकता.

स्वाती खंदारे
संपादिका, मराठीमाती डॉट कॉम । पुणे
संपादकीय, मराठी लेख, फोटो गॅलरी, पाककला, महाराष्ट्र या आणि अशा विविध विभागांत लेखन.
अधिक माहिती पहासर्व लेखन पहा

जीवनशैली / पाककला


टिप्पणी पोस्ट करा

स्पॅम टिप्पण्या टाळण्यासाठी, सर्व टिप्पण्या प्रदर्शित करण्यापूर्वी नियंत्रित केल्या जातात.