सानतंग न्यूडल्स - पाककृती

सानतंग न्यूडल्स, पाककला - [Santang Noodles, Recipe] मशरुम आणि पनीर असलेले आणि मुलांना आवडणारे ‘सानतंग न्यूडल्स’ न्याहारी तसेच मधल्या वेळेच्या पदार्थावेळी खायला देऊ शकता.

खास लहान मुलांसाठी भाज्या तसेच मशरूम व पनीरयुक्त असलेले चटपटीत असे सानतंग न्यूडल्स

‘सानतंग न्यूडल्स’साठी लागणारा जिन्नस

१/२ कप बारीक कापलेले गाजर
१/२ कापलेली काकडी
१/२ कप कापलेली शिमला मिरची
१ बारीक कापलेला कांदा
६ तुकडे मशरूम
१/२ कप टोफु पनीर किंवा साधा पनीर
२०० ग्रॅम सपाट न्यूडल्स (शेवया) जर उपलब्ध नसतील तर गोल न्यूडल्स चा उपयोग करू शकतात

‘सानतंग न्यूडल्स’ची पाककृती

न्यूडल्सला उकळते वेळी १ चमचा तेल टाकावे अणि जेव्हा उकळतील तेव्हा काढून एका भांड्यात ठेवावे.
आता भाज्यांना छोट्या छोट्या चौकोन तुकड्यांमध्ये कापावे आणि कढईत तेल टाकुन फ्राय करावे.
यात २ कप पाणी, चवीनुसार मीठ आणि काळी मिरची पावडर टाकावे.
हे सर्व टाकून झाल्यावर यात २ चमचे सोया सॉस टाकावे.
घट्ट बनविण्यासाठी कार्नफ्लॉवर पेस्ट चा उपयोग करावा.
एक प्लेट मध्ये न्यूडल्स काढुन वरून भाज्यांचे मिश्रण टाकावे.

तयार झाल्या मजेदार सानतंग न्यूडल्स. स्वतः ही खा आणि इतरांस ही खाऊ घाला.