रताळ्याची कचोरी - पाककृती

रताळ्याची कचोरी, पाककला - [Ratalyachi Kachori, Recipe] लहान मुलांसाठी तसेच उपवास असलेल्या मंडळींसाठी अस्सल महाराष्ट्रीय पदार्थ म्हणजे ‘रताळ्याची कचोरी’ घरी करून खाता येईल.

उपवासाला चालणारी रताळ्याची कचोरी

‘रताळ्याची कचोरी’च्या सारणासाठीचे जिन्नस

१ मूठ चिरलेली कोथिंबीर
१ वाटी खवलेले खोबरे
४-५ हिरव्या मिरच्या
५० ग्रॅम बेदाणे
चवीनुसार मीठ
साखर

‘रताळ्याची कचोरी’च्या कव्हरसाठीचे जिन्नस

२५० ग्रॅम रताळी
१ मोठा बटाटा
थोडेसे मीठ

‘रताळ्याची कचोरी’ची पाककृती

रताळी व बटाटे उकडून घ्यावेत व सोलून हाताने कुस्करून पुरणयंत्रातून काढून घ्यावेत. त्यात थोडे मीठ घालावे.
१/२ चमचा तुपावर मिरच्यांचे तुकडे परतून घ्यावेत. नंतर गॅसवरुन खाली उतरवून त्यात खवलेले खोबरे, चिरलेली कोथिंबीर, बेदाणे, चवीनुसार मीठ व थोडीशी साखर घालुन सारण करावे.
रताळी व बटाटेची पारी करून त्यात थोडे सारण घालून कचोर्‍या करून ठेवाव्यात.
नंतर आयत्या वेळी वरीच्या तांदळाच्या पिठात घोळवून तुपात/तेलात तळाव्यात.

लहान मुलांसाठी तसेच उपवास असलेल्या मंडळींसाठी एक वेगळा पदार्थ.