कोळंबीचा पुलाव - पाककृती

कोळंबीचा पुलाव, पाककला - [Prawns Pulao, Recipe] महाराष्ट्रातील एक मांसाहारी भाताचा प्रकार म्हणून ‘कोळंबीचा पुलाव’ बनविला जातो. कोळंबीचा पुलाव चवीला सुंदर लागतो.

एक मांसाहारी भाताचा प्रकार ‘कोळंबीचा पुलाव’

‘कोळंबीचा पुलाव’साठी लागणारा जिन्नस

१ वाटी साफ केलेली कोळंबी
१ वाटी मटारचे दाणे
३ वाट्या बासमती किंवा दिल्ली राईस
२ कांदे
७ - ८ लसूण पाकळ्या
हळद
४ लवंगा
४ वेलदोडे

‘मसाला वाटण’साठी लागणारा जिन्नस

२ चमचे धणे
२ चमचे खसखस
१ चमचा शहाजिरे
१० - १२ काळी मिरे
२ - ३ दालचिनीचे तुकडे
१० - १२ लाल मिरच्या
१० - १५ काजू

‘कोळंबीचा पुलाव’ची पाककृती

लसूण बारीक वाटून घ्यावी. नंतर थोडीशी हळद व वाटलेली लसूण कोळंबीला लावून ठेवावी.
कांदा चिरुन घ्यावा व मसाला बारीक वाटून घ्यावा.
एका जाड बुडाच्या पातेल्यात तूप घालून लवंग-वेलदोड्याची फोडणी करावी.
नंतर त्यात मटारचे दाणे व कोळंबी घालून जरा परतावे.
नंतर त्यात २ - ३ तास अगोदर धुतलेले तांदुळ घालून परतावे.
तांदुळाच्या दुप्पट गरम पाणी घालून मीठ व वाटलेला मसाला घालावा.
नंतर मंदाग्नीवर भात शिजू द्यावा.
पुलाव तयार झाल्यावर त्यावर एक चमचा साजूक तूप घालावे व एका लिंबाचा रस आणि कोथिंबीर घालून गरम गरम वाढावा.