पोळ्यांचा चुरमा - पाककृती

पोळ्यांचा चुरमा, पाककला - [Poli Churma, Recipe] दुपारच्या किंवा रात्रीच्या जेवणानंतर जर काही पोळ्या किंवा भाकर्‍या शिल्लक राहिल्या असतील तर त्यातुन पोळ्यांचा चुरमा ही एक खमंग पाककृती बनवली जाऊ शकते.
पोळ्यांचा चुरमा - पाककला | Poli Churma - Recipe

मधल्या भुकेसाठी तसेच झटपट होणारा पोळ्यांचा चुरमा

‘पोळ्यांचा चुरमा’साठी लागणारा जिन्नस

  • ५ - ६ पोळ्या (किंवा शिल्लक चपात्या/भाकर्‍या)
  • १ कांदा
  • तिखट
  • मीठ
  • हळद
  • १ चमचा साखर
  • कडीपत्ता
  • जीरे
  • मोहरी (फोडणीसाठी)

‘पोळ्यांचा चुरमा’ची पाककृती

  • पोळ्यांचा बारीक चुरा करावा (अगदी बारीक होण्यासाठी मिक्सरमध्ये बारीक केले तरी चालेल.) त्यावर थोडेसे पाणी शिंपडावे.
  • कांदा बारीक चिरावा. पातेल्यात तेल टाकून त्यात हिंग, कडीपत्ता, जीरे. मोहरीची फोडणी द्यावी.
  • नंतर त्यात कांदा टाकावा व मऊ शिजवावा. त्यासाठी पातेल्यावर झाकण ठेवावे.
  • कांदा मऊ झाल्यावर त्यात हळद, तिखट, मीठ टाकून चांगले परतून घ्यावे.
  • त्यामध्ये सर्व बारीक केलेला चुरमा टाकावा व चांगला परतून घ्यावा.
  • कोरडा वाटत असल्यास त्यावर थोडे पाणी शिंपडावे.
  • वरुन थोडीशी साखर व बारीक चिरुन कोथिंबीर पेरावी व झाकण ठेवून २-३ मिनीटे शिजवावे व गरमागरम वाढावे.

पोळ्या शिल्लक राहिल्या असल्यास अशा प्रकारचा चुरमा चांगला लागतो. त्यामूळे शिल्लक पोळ्या टाकून द्याव्या लागत नाहीत.

ह्यात तुम्ही शेंगदाणे ,शिल्लक भात किंवा इतर आवडीच्या वस्तू घालून चव वाढवू शकता.




स्वाती खंदारे | Swati Khandare
संपादिका, मराठीमाती डॉट कॉम
संपादकीय, मराठी लेख, फोटो गॅलरी, पाककला, महाराष्ट्र या आणि अशा विविध विभागांत लेखन.


जीवनशैली / पाककला


टिप्पणी पोस्ट करा

स्पॅम टिप्पण्या टाळण्यासाठी, सर्व टिप्पण्या प्रदर्शित करण्यापूर्वी नियंत्रित केल्या जातात.