मूग डाळीचा हलवा - पाककृती

मूग डाळीचा हलवा, पाककला - [Moog Dalicha Halwa, Recipe] मुळचा राजस्थानी असलेला सणासुदीला केला जाणारा ‘मूग डाळीचा हलवा’ हा गोड पदार्थ चवीला फार सुंदर लागतो.

राजस्थानी एक गोड पदार्थ ‘मूग डाळीचा हलवा’

‘मूग डाळीचा हलवा’साठी लागणारा जिन्नस

२ वाट्या मूग डाळ
२ वाट्या साखर
३ वाट्या दूध
१ १/२ वाटी तूप
१५० ग्रॅम खवा
७-८ वेलदोड्याची पूड
२५ ग्रॅम बेदाणा
थोडा पिवळा रंग (ऐच्छिक)

‘मूग डाळीचा हलवा’ची पाककृती

मूगाची डाळ ३ ते ४ तास भिजत घालावी.
चांगली भिजल्यावर त्यातील पाणी काढून मिक्सरमध्ये रवाळ वाटावी.
गॅसवर कढईत तूप तापत ठेवावे.
वाटलेल्या डाळीत २ वाट्या दूध घालून कालवावे व तूप तापल्यावर त्यात हे डाळीचे मिश्रण घालून चांगले मोकळे होईपर्यंत परतावे.
चांगले परतल्यावर त्यात रंग घालावा. नंतर साखर घालून चांगले परतत रहावे.
मिश्रण जरा घट्ट झाले कि गॅस बंद करून उतरावे.
आता त्यात बेदाणा व वेलचीपूड घालावी. आवडत असल्यास काजू, पिस्त्याचे काप घालू शकता.
खव्यामध्ये १ वाटी दूध घालून सारखा करावा व खवा गॅसवर ठेवून जरा आटवून घ्यावा.
आयत्या वेळी मुगाच्या डाळीच्या हलव्यात खवा घालून सर्व्ह करावा.

स्वाती खंदारे
संपादिका, मराठीमाती डॉट कॉम । पुणे
संपादकीय, मराठी लेख, फोटो गॅलरी, पाककला, महाराष्ट्र या आणि अशा विविध विभागांत लेखन.
अधिक माहिती पहा । सर्व लेखन पहा