मिक्स दाल पराठा - पाककृती

मिक्स दाल पराठा, पाककला - [Mix Dal Paratha, Recipe] कणीक, रवा आणि वेगवेगळया प्रकारच्या डाळीयुक्त पौष्टिक, चविष्ट मिक्स दाल पराठा सॉस किंवा चटणी सोबत न्याहारी किंवा डब्यात देता येतील.
मिक्स दाल पराठा - पाककला | Mix Dal Paratha - Recipe

सर्व डाळींनी युक्त चटपटीत मिक्स दाल पराठा

‘मिक्स दाल पराठा’साठी लागणारा जिन्नस

  • ३ वाट्या कणीक
  • १/४ वाटी बारीक रवा
  • मीठ
  • १/२ वाटी तेल
  • ओवा

सारणासाठी लागणारा जिन्नस

  • १/४ वाटी प्रत्येकी तूरडाळ, चणाडाळ, मसूरडाळ, हरभरा डाळ
  • १ टे. स्पून आले-लसूण-मिरची पेस्ट
  • तिखट
  • मीठ
  • अनारदाणा/आमचूर पावडर
  • कोथिंबीर
  • गरम मसाला

‘मिक्स दाल पराठा’ची पाककृती

  • कणीक, रवा, मीठ व तेल घालून भिजवून १ तास ठेवावे.
  • नंतर मळून एकसारखे गोळे करावे.
  • डाळी भिजवून २-३ तासांनी रवाळ वाटाव्यात.
  • तेल तापवून ओव्याची फोडणी करावी.
  • डाळीचे मिश्रण घालून परतून २ वाफा आण्याव्यात. त्यात आले-लसूण-मिरची पेस्ट, तिखट, मीठ, कोथिंबीर, गरम मसाला घालून परतावे.
  • आमचूर पावडर घालून उतरावे.
  • कणकेचे व सारणाचे सारखे भाग करुन पराठा लाटावा.
  • मिक्स दाल पराठे पौष्टिक व चवदार होतात.




स्वाती खंदारे | Swati Khandare
संपादिका, मराठीमाती डॉट कॉम
संपादकीय, मराठी लेख, फोटो गॅलरी, पाककला, महाराष्ट्र या आणि अशा विविध विभागांत लेखन.


जीवनशैली / पाककला


टिप्पणी पोस्ट करा

स्पॅम टिप्पण्या टाळण्यासाठी, सर्व टिप्पण्या प्रदर्शित करण्यापूर्वी नियंत्रित केल्या जातात.