मिक्स दाल पराठा - पाककृती

मिक्स दाल पराठा, पाककला - [Mix Dal Paratha, Recipe] कणीक, रवा आणि वेगवेगळया प्रकारच्या डाळीयुक्त पौष्टिक, चविष्ट मिक्स दाल पराठा सॉस किंवा चटणी सोबत न्याहारी किंवा डब्यात देता येतील.

सर्व डाळींनी युक्त चटपटीत मिक्स दाल पराठा

‘मिक्स दाल पराठा’साठी लागणारा जिन्नस

३ वाट्या कणीक
१/४ वाटी बारीक रवा
मीठ
१/२ वाटी तेल
ओवा

सारणासाठी लागणारा जिन्नस

१/४ वाटी प्रत्येकी तूरडाळ, चणाडाळ, मसूरडाळ, हरभरा डाळ
१ टे. स्पून आले-लसूण-मिरची पेस्ट
तिखट
मीठ
अनारदाणा/आमचूर पावडर
कोथिंबीर
गरम मसाला

‘मिक्स दाल पराठा’ची पाककृती

कणीक, रवा, मीठ व तेल घालून भिजवून १ तास ठेवावे.
नंतर मळून एकसारखे गोळे करावे.
डाळी भिजवून २-३ तासांनी रवाळ वाटाव्यात.
तेल तापवून ओव्याची फोडणी करावी.
डाळीचे मिश्रण घालून परतून २ वाफा आण्याव्यात. त्यात आले-लसूण-मिरची पेस्ट, तिखट, मीठ, कोथिंबीर, गरम मसाला घालून परतावे.
आमचूर पावडर घालून उतरावे.
कणकेचे व सारणाचे सारखे भाग करुन पराठा लाटावा.
मिक्स दाल पराठे पौष्टिक व चवदार होतात.