मेतकूट - पाककृती - मराठीमाती । माझ्या मातीचे गायन

मेतकूट - पाककृती

मेतकूट, पाककला - [Metkut, Recipe] खिमटी भात, तूप आणि वरुन मेतकूट घातल्यानंतर येणारी चव दुसर्‍या कुठल्याच पदार्थास नाही, या मराठमोळ्या महाराष्ट्रीयन पदार्थाचा पावसाळ्यात आरोग्यासाठी फार फायदा होतो (दह्यातही मेतकूट घालून छान चव लागते).

खमंग आणि लज्जतदार खिमटी भात बनविण्यासाठी मराठमोळा महाराष्ट्रीयन पदार्थ मेतकूट

‘मेतकूट’साठी लागणारा जिन्नस

२५० ग्रॅम चणाडाळ
५० ग्रॅम उडीद डाळ
मूठभर तांदूळ
१ चमचा मोहरी
१ चमचा जीरे
८-१० लाल सुक्या मिरच्या
अर्धा इंच सुंठेचा तुकडा
१ चमचा हळद
१ चमचा हिंग

‘मेतकूट’ची पाककृती

चणाडाळ, उडीद डाळ, तांदूळ, मोहरी, जीरे हे पदार्थ वेगवेगळे भाजावेत.
मिरच्या गरम असलेल्या कढईत ठेवाव्यात.
सुंठेचा तुकडा कुटून बारीक तुकडे करून हळद व हिंग हे सर्व पदार्थ एकत्र मिक्सरमध्ये बारीक दळावेत.
दळल्यावर पिठाच्या चाळणीने चाळून घ्यावे व कोरड्या बाटलीत भरावे.

पावसाळ्यात मेतकुटाचा फार उपयोग होतो