हिरव्या मिरचीचे लोणचे - पाककृती

हिरव्या मिरचीचे लोणचे, पाककला - [Green Chilly Pickle, Recipe] ठसाकेदार, चटकदार आणि जेवणाला स्वाद आणणारे ‘हिरव्या मिरचीचे लोणचे’ नक्की बनवून पहा.
हिरव्या मिरचीचे लोणचे- पाककला | Green Chilly Pickle - Recipe

चटकदार, जेवणाचा स्वाद वाढवणारे ‘हिरव्या मिरचीचे लोणचे’

हिरव्या मिरचीच्या लोणच्यासाठी लागणारा जिन्नस

  • १ किलो लांबट हिरवी मिरची
  • २ वाट्या मोहरीची डाळ
  • अर्धा चमचा मेथीची (कच्ची) पूड
  • दीड चमचा हळद
  • चमचे हिंग
  • २॥ ते ३ वाट्या मीठ
  • १२ लिंबांचा रस
  • १ वाटी तेल

हिरव्या मिरचीच्या लोणच्याची पाककृती

  • एका मध्यम आकाराच्या परातीत किंवा ताटात मोहरीची डाळ, मेथीपूड, हळद व हिंग घालावे.
  • लहान पातलीत तेल कडकडीत तापवावे.
  • धूर दिसेपर्यंत तापले की परातीतल्या जिनसांवर ओतावे व झार्‍याने ढवळावे.
  • मसाला एकत्र कालवला गेला की गार होऊ द्यावा.
  • मिरच्या धुवून फडक्यावर कोरड्या होऊ द्याव्यात.
  • त्यांचे आपल्या आवडीनुसार बेताचे तुकडे करावे.
  • मिरची यंत्रात बारीक केली तरी बिघडत नाही.
  • त्यात ४ चमचे वगळून बाकीचे मीठ मिसळावे.
  • गार झालेल्या मोहरीच्या डाळीचा मसाला घालावा.
  • उन्हात ठेवलेल्या बरणीत तळाला २ चमचे मीठ घालावे.
  • बरणी गार असावी.
  • त्यात मिरच्या व मसाला कालवून भरावा.
  • वरून दोन चमचे मीठ घालावे.
  • दुसर्‍या किंवा तिसर्‍या दिवशी बारा लिंबाचा रस काढून लोणच्यात घालावा.



स्वाती खंदारे | Swati Khandare
संपादिका, मराठीमाती डॉट कॉम
संपादकीय, मराठी लेख, फोटो गॅलरी, पाककला, महाराष्ट्र या आणि अशा विविध विभागांत लेखन.


जीवनशैली / पाककला


टिप्पणी पोस्ट करा

स्पॅम टिप्पण्या टाळण्यासाठी, सर्व टिप्पण्या प्रदर्शित करण्यापूर्वी नियंत्रित केल्या जातात.