लेमन डिलिशियस पुडिंग - पाककृती

लेमन डिलिशियस पुडिंग, पाककला - [Lemon Delicious Pudding, Recipe] लोणी, लिंबू, अंडे घालून तयार केलेले ‘लेमन डिलिशियस पुडिंग’ एक अनोखी चव म्हणून डेझर्टला खाता येईल.
लेमन डिलिशियस पुडिंग - पाककला | Lemon Delicious Pudding - Recipe

आंबट - गोड असलेले लेमन डिलिशियस पुडिंग

‘लेमन डिलिशियस पुडिंग’साठी लागणारा जिन्नस

  • २ मोठे चमचे पांढरे लोणी
  • पाऊण वाटी साखर
  • १ मोठे लिंबू
  • १ कप दूध
  • २ अंडे
  • २ मोठे चमचे मैदा
  • एक चिमटी मीठ

‘लेमन डिलिशियस पुडिंग’ची पाककृती

  • अंड्यातले पिवळे व पांढरे वेगवेगळे फेटावे.
  • लोणी व साखर मिसळून हाताने किंवा मिक्सरमध्ये खूप फेटावे.
  • मैद्यात मीठ घालून चाळून घ्यावा.
  • लिंबाची साल कापून किसून घ्यावी व लिंबाचा रस काढून वेगळा ठेवावा.
  • लोणी व साखरेत चाळलेला मैदा, लिंबाच्या सालीचा कीस, लिंबाचा रस, अंड्यातले पिवळे व दूध घालून मिश्रण घोटून घ्यावे.
  • अंड्यातले फेसलेले पांढरे हळूहळू मिश्रणात घालून पुन्हा एकजीव होईपर्यंत घोटावे.
  • ओव्हनमध्ये ठेवण्यासाठी ओव्हनप्रूफ भांडे आतल्या बाजूने ओले करावे व त्यात हे मिश्रण ओतावे.
  • दुसऱ्या एका उथळ भांड्यात किंवा ट्रेमध्ये पाणी घालून त्यात मिश्रणाचे भांडे ठेवावे. मध्यम ओव्हनमध्ये ३० ते ४० मिनिटे भाजावे.
हे पुडिंग काळजीपूर्वक व शांतपणाने करावे.

लेमन डिलिशियस पुडिंग चवीला आंबट - गोड लागते.




स्वाती खंदारे | Swati Khandare
संपादिका, मराठीमाती डॉट कॉम
संपादकीय, मराठी लेख, फोटो गॅलरी, पाककला, महाराष्ट्र या आणि अशा विविध विभागांत लेखन.


जीवनशैली / पाककला


टिप्पणी पोस्ट करा

स्पॅम टिप्पण्या टाळण्यासाठी, सर्व टिप्पण्या प्रदर्शित करण्यापूर्वी नियंत्रित केल्या जातात.