कुळीथ पिठले - पाककृती - मराठीमाती । माझ्या मातीचे गायन

कुळीथ पिठले - पाककृती

कुळीथ पिठले, पाककला - [Kulith Pithale, Recipe] रात्रीच्या जेवणात उत्तम तसेच महाराष्ट्रीय पदार्थ असलेले तिखट - आंबटसर कुळीथाचे पिठले भातावर सुंदर लागते.

महाराष्ट्रातील प्रसिद्ध चटपटीत आमटी ‘कुळीथ पिठले’

‘कुळीथ पिठले’साठी लागणारा जिन्नस

अर्धी वाटी कुळीथ पीठ
८ - १० कडिपत्याची पाने
३ - ४ हिरव्या मिरच्या
अर्धा चमचा मीठ
कोथिंबीर
२ आमसुले
२ पळ्या तेल
फोडणीचे साहित्य

‘कुळीथ पिठले’ची पाककृती

तेलात मोहरी, जिरे, हिंग, हळद, मिरच्यांचे तुकडे, कडिपत्याची पाने घालून फोडणी करावी.
त्यात ३ भांडी पाणी घालावे. ते थोडेसे उकळायला लागल्यावर त्यात मीठ, आमसुले घालावीत.
कुळथाचे पीठ पाण्यात कालवून घालावे व ढवळत राहावे.
उकळी आली की खाली उतरवून त्यात कोथिंबीर घालावी व जेवताना भातावर गरम गरम द्यावे.

स्वाती खंदारे
संपादिका, मराठीमाती डॉट कॉम । पुणे
संपादकीय, मराठी लेख, फोटो गॅलरी, पाककला, महाराष्ट्र या आणि अशा विविध विभागांत लेखन.
अधिक माहिती पहा । सर्व लेखन पहा

जीवनशैली पाककला