कारल्याचे पंचामृत - पाककृती

कारल्याचे पंचामृत, पाककला - [Karalyache Panchamrut, Recipe] शरीरात थंडावा आणि रक्त शुद्धीकरण यामुळे मानसिक शांतता देणारे ‘कारल्याचे पंचामृत’ अत्यंत उपयुक्त आणि पौष्टिक असा पदार्थ आहे, हा मराठमोळा महाराष्ट्रीयन पदार्थ सणासुदीला हमखास केला जातो.
कारल्याचे पंचामृत- पाककला | Karalyache Panchamrut - Recipe

सणासुदीत खाल्ला जाणारा पौष्टिक आणि महाराष्ट्रीय पदार्थ ‘कारल्याचे पंचामृत’

‘कारल्याचे पंचामृत’साठी लागणारा जिन्नस

  • २०० ग्रॅम कारली
  • अर्धी वाटी खोबऱ्याचे पातळ तुकडे
  • अर्धी वाटी तिळाचे कूट
  • अर्धी वाटी दाण्याचे कूट
  • ५-६ हिरव्या मिरच्या
  • ५-६ कडुलिंबाची पाने
  • अर्धी वाटी चिंचेचा कोळ
  • १ मोठा गुळाचा खडा
  • मीठ
  • तेल
  • मोहरी
  • हळद
  • हिंग

‘कारल्याचे पंचामृत’ची पाककृती

  • प्रथम कारली बिया काढून बारीक चिरावीत व धुवून पिळून घ्यावीत.
  • नंतर तेलामध्ये हिंग, हळद, मोहरी, कडुलिंब घालून फोडणी करावी आणि त्यात कारली व पाणी घालून चांगले शिजवावे.
  • चिंचेचा कोळ, तिळाचे कूट, दाण्याचे कूट व खोबऱ्याचे तुकडे शिजत आलेल्या कारल्यात घालावेत.
  • नंतर त्यात मिरचीचे तुकडे, मीठ व गूळ घालावा.
  • चांगले शिजल्यावर कारल्याचे पंचामृत तयार होते.





स्वाती खंदारे | Swati Khandare
संपादिका, मराठीमाती डॉट कॉम
संपादकीय, मराठी लेख, फोटो गॅलरी, पाककला, महाराष्ट्र या आणि अशा विविध विभागांत लेखन.


जीवनशैली / पाककला


टिप्पणी पोस्ट करा

स्पॅम टिप्पण्या टाळण्यासाठी, सर्व टिप्पण्या प्रदर्शित करण्यापूर्वी नियंत्रित केल्या जातात.