बेसन लाडू - पाककृती - मराठीमाती । माझ्या मातीचे गायन

बेसन लाडू - पाककृती

बेसन लाडू, पाककला - [Besan Ladu, Recipe] दिवाळीच्या फराळातील एक गोड पदार्थ म्हणजे ‘बेसन लाडू’ साच्यातून काढल्यास त्याच्या आकारामुळे नाविन्य निर्माण होते.

दिवाळीतला एक गोड पदार्थ ‘बेसन लाडू’

‘बेसन लाडू’साठी लागणारा जिन्नस

३ वाट्या हरभऱ्याच्या डाळीचे रवाळ पीठ (बेसन)
दीड वाटी तूप
पाव वाटी दूध
३ वाटचा पिठीसाखर
७-८ वेलदोड्यांची पूड
अर्धा चमचा जायफळ पूड
२५ ग्रॅम बेदाणा
१० ग्रॅम काजूचे काप

‘बेसन लाडू’ची पाककृती

तुपावर डाळीचे पीठ खमंग भाजून घ्या.
छान वास आला की त्यावर दूध शिंपडून बाजूला ठेवा.
मिश्रण कोमट झाले की त्यात पिठीसाखर, वेलदोडे, जायफळ, बेदाणा, काजू घालून मिश्रण कालवा.
नंतर त्याचे बेताच्या आकाराचे लाडू वळा.

मोदकाच्या साच्याला पातळ तुपाचा हात फिरवावा व प्रत्येक लाडू साच्यातून काढावा. आकाराच्या नाविन्यामुळे बेसन लाडू छान दिसतात.