गुलाबजाम - पाककृती - मराठीमाती । माझ्या मातीचे गायन

गुलाबजाम - पाककृती

गुलाबजाम, पाककला - [Gulabjaam, Recipe] गोड पदार्थ म्हणून सणासुदीला, समारंभाला लहानांपासून ते मोठ्यांपर्यंत सर्वांना आवडणारा ‘गुलाबजाम’ घरच्या घरी सोप्या पद्धतीने बनवू शकता.

लहान मुलांचा आवडीचा तसेच सणासुदीचा गोड पदार्थ म्हणजे गुलाबजाम

‘गुलाबजाम’साठी लागणारा जिन्नस

२०० ग्रॅम मावा
४० ग्रॅम छेना
१/२ छोटा चमचा खायचा सोडा
वेलची पावडर
तूप / तेल तळणासाठी
४०० ग्रॅम साखर

‘गुलाबजाम’ची पाककृती

मावा आणि छेना एकत्र करुन एका बाजूस ठेवावे.
यामध्ये खायचा सोडा, वेलची पावडर आणि थोडेसे पाणी मिळवून मुलायम करा.
तयार गोळ्याचे १६ लहान - लहान गोळे बनवावे. या गोळ्यांमध्ये केसर, पिस्ता भरू शकता.
साखर आणि पाणी मिळवून पाक बनवावा.
तुप किंवा तेल कढईत गरम करावे.
गोळे कढईत टाकुन लालसर होईपर्यंत मंद आचेवर तळावे.
तळलेले गोळे १५ - २० मिनीटे साखरेच्या पाकात ठेवावे.
तयार आहेत आपल्या आवडीचे ‘गुलाबजाम’.

टिपः तेलाचे तापमान कमी ठेवावे अन्यथा गुलाबजाम आतुन कच्चे राहतील.