गुलाबाचे चिरोटे - पाककृती

गुलाबाचे चिरोटे, पाककला - [Gulabache Chirote, Recipe] महाराष्ट्रीयन असलेला सणासुदीला, समारंभाला खाल्ला जाणारा गोड पदार्थ ‘गुलाबाचे चिरोटे’ तुम्ही नाष्टाला चहा किंवा दुधासोबत खाऊ शकता.
गुलाबाचे चिरोटे- पाककला | Gulabache Chirote - Recipe

सणासुदीला तसेच नाष्ट्याला खाता येणारा गोड पदार्थ म्हणजे गुलाबाचे चिरोटे

‘गुलाबाचे चिरोटे’साठी लागणारा जिन्नस

  • ३ वाट्या मैदा
  • अर्धा चमचा मीठ
  • अर्धा चमचा बेकींग पावडर
  • पाव वाटी पातळ तूप
  • थोडा लाल रंग

‘साठ्यासाठी’ लागणारा जिन्नस

  • २ टेबल चमचा कॉर्नफ्लोअर
  • अर्धी वाटी डालडा

‘गुलाबाचे चिरोटे’ची पाककृती

  • मैदा, मीठ, बेकींग पावडर व तुपाचे मोहन एकत्र करावे. त्यात थोडा लाल रंग घालून दुधाने पीठ भिजवून ठेवावे.
  • तूप फेसून त्यात कॉर्नफ्लोअर घालून साठा तयार करावा.
  • वरील पिठाच्या ९ पोळ्या लाटून घ्या.
  • पिठी वापरून पातळ लाटा.
  • एका पोळीवर साठा पसरून त्याची गुंडाळी करा.
  • दुसऱ्या पोळीवर साठा पसरा. त्याच्या कडेला पहिली गुंडाळी ठेवून दुसऱ्या पोळीची गुंडाळी करा.
  • तिसरी पोळी पसरून त्यावर साठा लावा. पहिली गुंडाळी त्यावर ठेवून पुन्हा गुंडाळी करा.
  • अशा ९ पोळ्यांच्या ३ गुंडाळ्या करून ठेवा.
  • नंतर ओल्या कपड्याखाली झाकून ठेवा. नंतर त्याचे तुकडे कापून घ्या.
  • कापलेली बाजू वर करून अलगद हाताने थोड्या पिठीवर चिरोटा लाटा.
  • नंतर कढईत तूप तापले की त्यात एकेक चिरोटा घाला.
  • कढईत टाकल्याबरोबर जरा खाली दाबा.
  • विणायच्या सुईने पाकळ्या उलगडा व तुप उडवून तळा.
  • तळल्यावर अगदी गुलाबाच्या फुलासारखा दिसतो.
  • सर्व गुलाबाचे चिरोटे तळून झाले की थोड्या साखरेचा पक्का पाक करून घ्यावा व प्रत्येक चिरोट्यावर थोडा थोडा घालावा व शोभेसाठी त्यावर बदाम-पिस्त्याचे काप टाकावे.
  • पाक गरम असतानाच टाकावे म्हणजे चिरोट्यावर काप चिकटतील.



स्वाती खंदारे | Swati Khandare
संपादिका, मराठीमाती डॉट कॉम
संपादकीय, मराठी लेख, फोटो गॅलरी, पाककला, महाराष्ट्र या आणि अशा विविध विभागांत लेखन.


जीवनशैली / पाककला


टिप्पणी पोस्ट करा

स्पॅम टिप्पण्या टाळण्यासाठी, सर्व टिप्पण्या प्रदर्शित करण्यापूर्वी नियंत्रित केल्या जातात.