गाजर हलवा - पाककृती - मराठीमाती । माझ्या मातीचे गायन

गाजर हलवा - पाककृती

गाजर हलवा, पाककला - [Gajar Halwa, Recipe] गोड पदार्थ म्हणून सणासुदीला, समारंभाला खाल्ला जाणारा लहानांपासून ते मोठ्यांपर्यंत सर्वांना आवडणारा गाजर हलवा.

समारंभ तसेच सणासुदीचा आणि थंडीच्या दिवसातला आवडता गोड पदार्थ म्हणजे गाजर हलवा

गाजर हलव्यासाठी लागणारा जिन्नस

१ किलो मोठी गाजरे
३ वाट्या साखर
पाव किलो खवा
अर्धी वाटी तूप
७-८ वेलदोड्याची पूड
थोडेसे काजूचे काप

गाजर हलव्याची पाककृती

गाजरे किसून घ्या. नंतर हा कीस साध्या कुकरमध्ये ठेवून वाफवून घ्या. पाणी घालू नका.
नंतर वाफेचे पाणी निथळून घ्या. तुपावर हा कीस परतून घ्या. साखर घाला.
साखरेचा पाक होऊन मिश्रण घट्टसर झाले की उतरा. खवा हाताने मोडून घ्या व थोड्या तुपावर परता. गाजराच्या मिश्रणात हा खवा घाला.
वेलदोड्याची पूड व काजूचे काप घाला. नीट ढवळून मिश्रण सारखे करा.