अंडा पराठा - पाककृती - मराठीमाती । माझ्या मातीचे गायन

अंडा पराठा - पाककृती

अंडा पराठा, पाककला - [Egg Paratha, Recipe] चविष्ट आणि अंड्याचा वेगळा प्रकार म्हणजेच ‘अंडा पराठा’ सर्वांनाच आवडेल.

अंडी फोडुन घ्यावीत.
थोड्या तुपावर कांदा परतून घ्यावा.
नंतर त्यावर फोडलेली अंडी, मीठ, हिरव्या मिरच्यांचे तुकडे, गरम मसाला घालून हलवावे.
अंड्याचे मिश्रण शिजल्यासारखे वाटले की उतरवावे.
कोथिंबीर घालावी व थंड होऊ द्यावे.
कणकेत मीठ व डालड्याचे मोहन घालून घट्ट भिजवावी. १/२ तास पीठ झाकून ठेवावे.
नंतर त्याच्या दोन पुर्‍या लाटून घ्याव्यात.
एकावर वरील अंडयाचे मिश्रण थोडे पसरुन त्यावर दुसरी पुरी ठेवावी.
कडा जुळवून घ्याव्यात व जरा लाटावे.
नंतर तव्यावर दोन्हीकडून शेकून घ्यावी व बाजूने तूप सोडावे.
गरमागरम अंडा पराठा सॉस सोबत सर्व्ह करावा.