भाजीभात - पाककृती

0 0 संपादक ११ जाने, २००८ संपादन

भाजीभात, पाककला - [Bhaji Bhaat, Recipe] भाताच्या विविध प्रकारांपैकी एक अत्यंत चविष्ट आणि पौष्टिक असा भाताचा प्रकार, काहीसा मसाले भातासारखा असणारा हा पदार्थ आहे. रात्रीच्या जेवणात हलके फुलके काही खायचे असल्यास ‘भाजीभात’ हा पदार्थ एकदा नक्की करून पहावा.

रात्रीच्या जेवणाचा हलका फुलका चविष्ट ‘भाजीभात’

भाजीभातासाठी लागणारा जिन्नस

२ वाट्या तांदूळ
२ वाट्या कांदा
बटाटा
कोबी
भोपळीमिरची
तोंडली
वांगी इत्यादींपैकी मिश्र फोडी
अर्धी वाटी मोड आलेले मूग किंवा मटकी
पाव वाटी भिजवलेले शेंगदाणे
४ हिरव्या मिरच्या
अर्धी वाटी ओले खोबरे
अर्धी वाटी चिरलेली कोथिंबीर
६ चमचे तेल
चवीनुसार मीठ
२ चमचे साखर
४ चमचे धणे - जिरेपूड
कडीपत्त्याची पाने
४ चमचे लिंबाचा रस
फोडणीचे साहित्य

भाजीभाताची पाककृती

तांदूळ धुवून तासभर निथळत ठेवावे.
निम्मे खोबरे, कोथिंबीर व लिंबूरस वरून सजावटीसाठी वगळून ठेवावा.
कुकरमध्ये मावेल अशा मोठ्या पातेल्यात तेल तापले की मोहरी, जिरे, हिंग व हळद घालून हिरव्या मिरच्या फोडणीस टाकाव्या.
त्यात ९ वाट्या गरम पाणी घालावे.
मीठ, धणे - जिरेपूड, कडीपत्ता, साखर घालावी.
पाण्याला उकळी आली की त्यात दाणे, भाजी, मूग व तांदूळ वैरावे व खिचडी ढवळावी.
दोन मिनिटे ठेवावे. ५-७ उकळ्या आल्या की नंतर पातेले कुकरमध्ये ठेवावे.
झाकणी ठेवून अर्धा तास शिजत ठेवावी.
नंतर उघडून पुन्हा उलथण्याच्या टोकाने खालीवर करावी.
बाहेर काढून पुन्हा मंद चुलीवर एक वाफ येऊ द्यावी.
खाली उतरवून त्यावर लिंबूरस शिंपडून ढवळावे.
वाढायच्या भांड्यात काढून त्यावर ओले खोबरे व कोथिंबीर घालावी.

भात मऊ वाटल्यास वरून चमचाभर साजूक तूप घालावे म्हणजे शिते मोकळी होतील.

स्वाती खंदारे
संपादिका, मराठीमाती डॉट कॉम । पुणे
संपादकीय, मराठी लेख, फोटो गॅलरी, पाककला, महाराष्ट्र या आणि अशा विविध विभागांत लेखन.
अधिक माहिती पहा । सर्व लेखन पहा

जीवनशैली / पाककला

[col]

अभिप्राय

तुमची टिप्पणी आमच्यासाठी महत्त्वाची आहे!
तुमचा अभिप्राय / टिप्पणी ही आम्ही कसे कार्य करतो? त्यातील सुधारणांसाठी आणि आम्ही सातत्याने उच्च-गुणवत्तेची सेवा प्रदान करतोय की नाही हे समजून घेण्यासाठी आमच्यासाठी महत्वाची आहे.