शहर - मराठी कविता

शहर, मराठी कविता - [Shahar, Marathi Kavita] पलिकडच्या जंगलातील, माझ्या माध्यावरून भिरभिरणारे चांदणे, येथे विसावते.

पलिकडच्या जंगलातील, माझ्या माध्यावरून भिरभिरणारे चांदणे, येथे विसावते

पलिकडच्या जंगलातील
माझ्या माध्यावरून भिरभिरणारे चांदणे
येथे विसावते
अन्‌ अचानक हे शहर वसताना मी पाहतो

(दूर राहिलेल्या जंगलतील झाडांची हलती पाने
मी खुडून घेतली होती मुठी म्हणून बरे!)

शहरांच्या धमन्यातील रक्ताचा मागोवा घेत
मी वाळू हरवलेल्या समुद्रात उतरतो

उन्हे सरपटत राहतात माझ्या खारट शरीरावरून
अन्‌ मी या ओहटलेल्या समुद्रावरुन ओहटत

माझ्यापुढे आता काही पर्याय आहेत
पुढे जावे तर सुसाट वारा आकाशाचे तुकडे
माझ्या पाठीवर देईल
मागे तर शहराला भरती यायची वेळ झाली आहे

पर्याय म्हणून मी शहराकडे पाठ करून
समुद्रावर हलका हलका पसरत जातो


संदेश ढगे | Sandesh Dhage
सभासद, मराठीमाती डॉट कॉम
मराठी कविता या विभागात लेखन.

टिप्पणी पोस्ट करा

स्पॅम टिप्पण्या टाळण्यासाठी, सर्व टिप्पण्या प्रदर्शित करण्यापूर्वी नियंत्रित केल्या जातात.