या भारतात बंधुभाव - मराठी कविता (संत तुकडोजी महाराज)

ज्येष्ठ आणि प्रसिद्ध मराठी कवी संत तुकडोजी महाराज (माणिक बंडोजी इंगळे) यांची या भारतात बंधुभाव ही लोकप्रिय मराठी कविता.

या भारतात बंधुभाव नित्य वसू दे...

या भारतात बंधुभाव

संत तुकडोजी महाराज (माणिक बंडोजी इंगळे)

या भारतात बंधुभाव नित्य वसू दे । दे वरचि असा दे । हे सर्व पंथ, संप्रदाय एक दिसू दे । मतभेद नसू दे । नांदतो सुखे गरिब-अमिर एकमतानी । मग हिंदू असो ख्रिश्चन वा हो इस्लामी । स्वातंत्र्य सुखा या सकलांमाजि वसू दे । दे वरचि असा दे । सकळांस कळो मानवता, राष्ट्रभावना । हो सर्वस्थळी मिळुनी समुदाय प्रार्थना । उद्योगि तरुण वीर शीलवान दिसू दे । दे वरचि असा दे । हा जातिभाव विसरुनिया एक हो आम्ही । अस्पृश्यता समूळ नष्ट हो जगातुनी । खळनिंदका-मनीही सत्य न्याय वसू दे । दे वरचि असा दे । सौंदर्य रमो घरा-घरात स्वर्गियापरी । ही नष्ट होऊ दे विपत्ति भीती बोहरी । तुकड्यास सदा या सेवेमाजी कसू दे । दे वरचि असा दे ।

संत तुकडोजी महाराज यांचे इतर लेखन वाचा: