कोठुनि येते मला कळेना - मराठी कविता (बालकवी)

ज्येष्ठ आणि प्रसिद्ध मराठी कवी बालकवी (त्र्यंबक बापूजी ठोंबरे) यांची कोठुनि येते मला कळेना ही लोकप्रिय मराठी कविता.

कोठुनि येते मला कळेना, उदासीनता ही हृदयाला

---

कोठुनि येते मला कळेना - मराठी कविता (बालकवी)

ज्येष्ठ आणि प्रसिद्ध मराठी कवी बालकवी (त्र्यंबक बापूजी ठोंबरे) यांची कोठुनि येते मला कळेना ही लोकप्रिय मराठी कविता.

---

कोठुनि येते मला कळेना
उदासीनता ही हृदयाला
काय बोचतें तें समजेना
हृदयाच्या अंतर्हृदयाला

येथे नाही तेथे नाही
काय पाहिजे मिळवायाला ?
कुणीकडे हा झुकतो वारा ?
हाका मारी जीव कुणाला

मुक्या मनाचे मुके बोल हे
घरे पाडिती पण हृदयाला
तीव्र वेदना करिती, परि ती
दिव्य औषधी कसली त्याला?

- बालकवी (त्र्यंबक बापूजी ठोंबरे)