माझी अर्धांगिनी तू (मराठी कविता)

माझी अर्धांगिनी तू (मराठी कविता) - मराठीमाती डॉट कॉम चे सभासद कवी धनराज बाविस्कर यांची माझी अर्धांगिनी तू ही कविता.

किती ही भांडलो रतू, पण तुझ्याईना मला करमेना

---

माझी अर्धांगिनी तू (मराठी कविता)

मराठीमाती डॉट कॉम च्या सभासद कवी धनराज बाविस्कर यांची कविता ‘रतू’.

---

किती ही भांडलो रतू
पण तुझ्याईना मला करमेना
लाख मोलाची तू गं राणी माझी
तुझी तुलना मला येईना

माझी अर्धांगिनी असून तरी
तुला पाहतच उभं रहावं
कधी तुला मी रागवतो रतू
तू प्रेमानंदाचा वर्षाव

बघ गं आरशाकडे रतू
त्याला पण तुझ्याईना करमेना
तुझा नामाचा मंत्र म्हणू मी
स्वप्नात पण जीवाला करमेना

नटून थटून सजलेली रतू
रंग बहरूनी आले
नजराची नियत खराब ही
मन लहरूनी आले

रातराणीचा गंध रतू
तो गंध मला भावेना
तू थोडी दूर का गेली
तूच हृदयाला भावेना

दोन चिमुकले गोड रतू
लाडके दिले तू जीवनात
असचं जीवन बहरून रहावं
एक दुसर्‍याच्या प्रेमात

राम चकोर गं लेक रतू
हृदयाचे तारा आंगना
त्यांची तुझी एकूनी गोष्टी
मनातले व्यक्त सारे भावना

- धनराज बाविस्कर