अंकुरलेली कविता (मराठी कविता)

अंकुरलेली कविता (मराठी कविता) - मराठीमाती डॉट कॉम चे सभासद कवी हेमंत सावळे यांची कविता अंकुरलेली कविता.

हजारो वर्षानंतर ही पृथ्वी उध्वस्त होईल, इथल्या संस्कृत्या गाडल्या जातील

---

अंकुरलेली कविता (मराठी कविता)

मराठीमाती डॉट कॉम चे सभासद कवी हेमंत सावळे यांची कविता ‘अंकुरलेली कविता’.

---

हजारो वर्षानंतर ही पृथ्वी उध्वस्त होईल
इथल्या संस्कृत्या गाडल्या जातील
पुसट होतील पाऊलखुणा
पण कविता नाही मरणार
अमरत्व घेवून तेव्हाही ती उभी राहिल मुळासकट

पृथ्वीचे तुकडे होऊन ते विखुरतील ब्रम्हांडात
तरीही मी कविता लिहणार कवितेत लिहणार
इथली अराजकता बलात्काराला पोटूशी घालणारी व्यवस्था
सांडासारखे माजलेले सत्ताधारी
आणि लाळ गाळत फिरणारी पत्रकारिता
पोरं बाळ भविष्याच्या घोरात जळत असताना
चामडी वाचवण्यासाठी बिळात लपलेल्या
माणसाची लाचारी

कवितेने फिर्याद करावी कोणाकडे?
कश्यासाठी?
खायाचे दात लपवणाऱ्या माणसाला
कवितेने नागडं करावं
मुस्कटदाबीला द्यावं जोरदार प्रत्युत्तर
क्रांतीच्या पालव्या अंकुराव्या सर्वदूर
इतिहासाला बळ देऊन
मैदानात ठाकावं उभं
तलवारी उपसायच्या आधीचं
कवितेनं शांतीदूत व्हावं व्हांव
न्यायप्रिय आणि बलशाली

समूळ नष्ट होण्याच्या आधीच
कवितेने अवघं विश्व अंकुरावं...!

- हेमंत सावळे