घासावा शब्द, तासावा शब्द - अभंग (संत तुकाराम)

घासावा शब्द, तासावा शब्द - अभंग (संत तुकाराम) - शब्द कसे असावे याविषयी भाष्य करणारा संत तुकाराम महाराज यांचा अतिषय मार्मिक मराठी अभंग.

घासावा शब्द, तासावा शब्द, तोलावा शब्द, बोलण्या पूर्वी

---

घासावा शब्द, तासावा शब्द - अभंग (संत तुकाराम)

संत तुकाराम महाराज यांचा मराठी अभंग.

---

घासावा शब्द । तासावा शब्द ।
तोलावा शब्द । बोलण्या पूर्वी ॥

शब्द हेचि कातर । शब्द सुईदोरा ।
बेतावेत शब्द । शास्त्राधारे ॥

बोलावे मोजके । नेमके, खमंग, खमके ।
ठेवावे भान । देश, काळ, पात्राचे ॥

बोलावे बरे । बोलावे खरे ।
कोणाच्याही मनावर । पाडू नये चरे ॥

कोणाचेही वर्म । व्यंग आणि बिंग ।
जातपात धर्म । काढूच नये ॥

थोडक्यात समजणे । थोडक्यात समजावणे ।
मुद्देसुद बोलणे । हि संवाद कला ॥

शब्दांमध्ये झळकावी । ज्ञान, कर्म, भक्ती ।
स्वानुभवातून जन्मावा । प्रत्येक शब्द ॥

शब्दां मुळे दंगल । शब्दां मुळे मंगल ।
शब्दांचे हे जंगल । जागृत राहावं ॥

जीभेवरी ताबा । सर्वासुखदाता ।
पाणी, वाणी, नाणी । नासू नये ॥

- संत तुकाराम

(‘घासावा शब्द, तासावा शब्द’ हा अभंग संत तुकाराम यांचा असल्याचा कोणताही संदर्भ उपलब्ध नाही.)