कोबीची वडी - पाककृती

कोबीची वडी, पाककला - [Kobichi Vadi, Recipe].
कोबीची वडी - पाककृती | Kobichi Vadi - Recipe

कोबीची वडी


नेहमी नेहमी कोबीची भाजी खाऊन कंटाळा येत असल्यास कोबीची स्वादिष्ट वडी म्हणजे चांगला बदल होईल.



कोबीची वडी करण्यासाठी लागणारा जिन्नस


  • एक वाटी किसलेला कोबी
  • अर्धी वाटी डाळीचे पीठ
  • ३ - ४ हिरव्या मिरच्या
  • एक छोटा चमचा आलं लसूण पेस्ट
  • अर्धा छोटा चमचा जीरे
  • पाव छोटा चमचा हळद
  • चवीनुसार मीठ
  • तळण्यासाठी तेल

कोबीची वडी करण्याची पाककृती


  • किसलेल्या कोबीमध्ये आले - लसूण, हिरव्या मिरचीची वाटलेली पेस्ट, हळद, जीरे व मीठ टाका.
  • नंतर त्यामध्ये डाळीचे पीठ टाकून मिश्रण कणकेसारखे घट्ट मळा.
  • या मिश्रणाच्या सुरळ्या करुन त्या कुकरच्या डब्यात ठेवा.
  • कुकरमध्ये पाणी घालून डब्यातील सुरळ्या वाफवून घ्या.
  • कुकर उपलब्ध नसल्यास पातेल्यामध्ये पाणी घेऊन त्यावर चाळणीत सुरळ्या ठेवा व चाळणीवर झाकण ठेवून वाफवून घ्या.
  • गार झाल्यावर त्याचे काप करुन तळा किंवा फोडणीवर परता.

कोबीची वडी

स्वाती खंदारे
संपादिका, मराठीमाती डॉट कॉम । पुणे
संपादकीय, मराठी लेख, फोटो गॅलरी, पाककला, महाराष्ट्र या आणि अशा विविध विभागांत लेखन.
अधिक माहिती पहासर्व लेखन पहा


जीवनशैली        पाककला

टिप्पणी पोस्ट करा

स्पॅम टिप्पण्या टाळण्यासाठी, सर्व टिप्पण्या प्रदर्शित करण्यापूर्वी नियंत्रित केल्या जातात.